裝修佬話你:知瓷磚知多少 (呀J)

瓷磚係現時裝修行業廣泛使用嘅裝飾材料，瓷磚有防水、耐酸鹼、堅固耐用、使用壽命長等好處。但瓷磚只不過係磚嘅一個統稱，佢分為釉面磚、拋光磚、馬賽克等，可能未必太多人會知，以下裝修佬同大家分享各種磚嘅相關知識俾大家參考，一齊去文。

  拋光磚 

拋光磚係通體磚經過打磨拋光後而成嘅磚，相對於通體磚嘅平面粗糙而言，拋光磚光潔得多。拋光磚嘅硬度高，非常耐磨，係運用滲花技術嘅基礎上，拋光磚可以做出各種仿石、仿木效果，種類分為滲花型拋光磚、微粉型拋光磚、多管布料拋光磚、微晶石等，適用範圍除廁所、廚房外，其餘多數室內空間都可使用。 

釉面磚 

釉面磚係磚嘅表面經過燒釉處理嘅磚，一般來講，釉面磚比拋光磚嘅色彩同圖案豐富，同時起到防污作用。但因為釉面磚表面係釉料，所以耐磨性不如拋光磚，分類為陶制釉面磚同瓷制釉面磚，依光澤不同，又分為亞光同亮光兩種，廚房應選用亮光釉面磚，不宜用亞光釉面磚，因油漬進入磚面會難以清理。 

馬賽克 

馬賽克係一種特殊嘅磚，佢一般由數十塊小塊磚組成一個相對嘅大磚，佢耐酸鹼、耐磨、唔滲水、抗壓力強、唔易破碎等好處，主要分類為陶瓷馬賽克、大理石馬賽克、玻璃馬賽克等，佢以小巧玲瓏、色彩斑斕被廣泛使用於室內小面積地、牆面同室外牆面、地面。 

通體磚 

通體磚嘅表面唔上釉，而且正面同反面嘅材質、色澤一致而得以此名，通體磚比較耐磨，但花色遜於釉面磚，分類為防滑磚、拋光磚同滲花通體磚，被廣泛使用於廳堂、室內外走廊等地面，一般較少用於牆面。 

玻化磚 

玻化磚由石英砂、泥按照一定比例燒制而成，然後經打磨但無拋光，表面如玻璃鏡面一樣光滑透亮，係咁多瓷磚種類中最硬嘅一種。玻化磚係吸水率、邊直度、彎曲強度、耐酸鹼性等方面都優勝於普通釉面磚、拋光磚及一般嘅大理石。但是玻化磚并唔完美，佢經過打磨後，毛氣孔暴露在外，灰塵、油污等容易滲入。主要分類為地面磚，屬於拋光磚嘅一種，適用於客廳、睡房、走廊等。

(以上圖片均來自網路，如有任何版權問題，請與本站聯絡)