【裝修佬話你知】木地板打蠟方法

（網上圖片）

（文：康少）

木地板天然原木嘅色彩同紋理，俾人柔和富有親和力嘅質感，木地板冬暖夏涼，觸感舒適等特性，成為家居裝修嘅理想材料。木地板雖好，但需特別愛護及保養，而打蠟係對木地板最好嘅保養，因為蠟固化後可隔絕空氣、水氣、灰塵，同時起到防滑、防磨損、防靜電作用，從而更好地保養地板，延長地板使用壽命。咁地板打蠟應該點做呢？又有啲咩需要注意呢？裝修佬話你知。

打蠟前準備 

地板打蠟最好選擇係天氣好天時候進行，避免係濕度較高嘅落雨天同溫度較低嘅時候施工，濕度過高容易產生泛白現象，而溫度低於5度地板蠟會容易變硬，不利於施工。係開始打蠟前，將需要打蠟地方嘅傢俱整理好，用膠紙將牆腳線同傢俱等部位遮蓋，防止地板臘污染。同時要將地板清潔乾淨，確保打蠟前唔好有灰塵污物，否則影響打蠟光潔度，清潔後，需等地板上嘅水分完全乾透先可打蠟。 

打蠟 

打蠟前將地板蠟搖晃充分攪拌均勻，用乾淨抹布或海綿沾濕地板臘，以無滴落為標準。先係角落進行局部試用，確認無異常後再整體上蠟，然後用乾淨抹布推充分沾濕木地板臘，按照木地板木紋方向仔細塗抹，速度唔好太快，唔好漏抹或厚薄不均。 

拋光 

拋光一般會進行兩次，每上蠟一次必須等上一層蠟乾透後，先可以再打下一層蠟，等完全乾透後用細砂紙或者軟布打磨拋光表面。 

木地板打蠟注意事項 

地板臘清除劑會導致地板產生痕漬同膨脹，盡量唔好使用，用擰乾嘅抹布抹便可。地板表面、特別係溝槽部分，要仔細抹、唔好殘留洗滌劑，如殘留洗滌劑同水分，都會導致表面泛白、膨脹。 

打蠟一定要等到充分乾燥，否則地板蠟唔會緊密附著係地板表面、影響美觀、泛白情況出現。 至少要打蠟三次，每次都要用唔帶絨毛嘅布或打蠟器磨擦地板以便蠟油滲入木地板。 

如果想得到閃令令嘅效果，每打一遍蠟要用軟布輕擦拋光，每打一遍蠟，待乾燥後，用最細嘅砂紙打磨外表，抹清潔再打第二次蠟。 

木地板打蠟嘅時候，要進行木地板除蠟處理，去除殘留係木地板上一次打蠟所留低嘅臘跡，防止蠟層重複疊加，仲可以去除一啲蠟層上面嘅雜質。 

過於頻繁打蠟只會令木地板表層蠟層加厚，影響木地板光澤，令木地板望落濛嚓嚓， 正確木地板打蠟應該半年或半年以上打一次。

(以上圖片均來自網路，如有任何版權問題，請與本站聯絡)