【裝修佬話你知】關注小童的健康，如何選擇合適的兒童傢俱？

隨著社會進步，生活水平不停咁提高，好多兒童傢俱逐漸增多，各式各樣嘅兒童傢俱出現係市面上。對於父母來講，小朋友健康係比任何事都重要，由於小朋友仲係發育期間，所以係傢俱嘅選擇上一定要認真，以下裝修佬同大家分享兒童傢俱選購注意事項。

（文： 康少）

睡床唔可以太軟 

小朋友嘅睡床唔可以太軟，由於佢地尚係發育期，四肢及脊椎骨骼仲未發育完成，睡床過軟，容易造成兒童骨骼畸形，另外要盡量遠離窗，避免發生墮樓事故。 

傢俱板材要環保 

小朋友日常多係室內活動，所以傢俱方面一定要注意環保無害，製作傢俱嘅材質有好多，其中實木傢俱較環保，所以小朋友嘅傢俱選擇方面以實木為主。 

傢俱設計要圓滑 

小朋友嘅傢俱設計上要圓滑，多數小朋友都系較好動，跑來跑去容易碰撞，尤其係傢俱邊角處理一定要圓滑無銳利尖角，最好用橡膠條等柔軟物體包住傢俱，以免小朋友碰撞受傷。 

傢俱不宜太高 

小朋友傢俱唔可以選擇太高，否則會容易發生意外，另外傢俱重心要穩，否則踩上去容易將枱櫈踩翻跌親，最好將書櫃、儲物櫃等大型嘅傢俱櫃身用螺絲固定係牆上。 

顏色選擇 

小朋友傢俱顏色選擇非常重要，比如綠色可以啟發佢地對大自然嘅興趣，紅色可以激發佢地嘅熱情，藍色神秘寧靜等。可以根據小朋友嘅性格選擇相應顏色，比如，活潑好動嘅小朋友可選擇藍色或白色，而內向、文靜嘅小朋友可選擇西瓜紅、奶黃等暖色調顏色，盡量避免顏色過於鮮艷，如果油漆顏色越鮮豔，其含有嘅鉛等重金屬就越多，因為油漆顏料中含有鉛等化合物造成，所以顏色鮮豔嘅兒童傢俱，有害物質含量比普通高得多。 

傢俱擺放要科學 

書枱應該擺放係光線充足嘅地方，如果書枱側邊擺放，應該盡量令光線從左邊照來，傢俱儘量少擺，而且靠牆放，增加小朋友嘅活動空間。 

傢俱要注意通風 

偶然會見到小朋友匿入狹窄密封空間，最後導致窒息而亡嘅新聞，令好多家長擔心，所以係傢俱選擇上最好選擇有通窿傢俱，而且設計上有通窿傢俱另一個好處係環保，傢俱係甲醇來源之一，保持通風令傢俱嘅甲醇或其他傢俱味道儘快消散。

(以上圖片均來自網路，如有任何版權問題，請與本站聯絡)