(文: 康少)

真皮沙發高檔大方,柔軟舒適,結實耐磨,使用壽命長,而且真皮具有天然毛孔同皮紋,手感舒適豐滿,富有彈性,容易打理等好處。但使用時間長咗,難免會出現甩皮情況出現,影響美觀,認真麻煩。真皮沙發甩皮點算好呢?又應該點樣解決呢?裝修佬話你知。

真皮沙發出現甩皮一般都係日常生活保養不當,造成皮嚴重脫脂,然而引起甩皮現象。首先用皮革專用清潔劑將沙發清洗乾淨,等自然乾,再用陰離子皮革補傷膏修平裂紋同甩皮位,用封閉劑將修復位置噴一次,然後在用風筒吹乾。吹乾後再進行第二次修補,用800#水砂紙將表面輕微打磨至光滑平整,然後根據沙發顏色用沙發加固劑開始噴顏色,具有成膜功能嘅上色劑係皮面形成一層色膜,再吹乾。最後用海棉同沙發上一次皮革光滑劑便可。 

 

沙發修復方法 

雞蛋 

首先係碗度打1~2隻雞蛋,只要蛋清唔要蛋黃,然後用油畫顏料,盡可能調製到同沙發顏色差唔多,將蛋清調勻後塗到破損皮革位置,記得唔可以用手掂或用水洗,一定要等到完全乾咗之後,再係上面噴啲皮革增亮劑,你就會發現同以前相差無幾。 

 

石蠟 

先去五金鋪購買一舊石蠟,然後用蠟係破損位置不停摩擦,令蠟覆蓋破損位,再用一塊膠片係覆蓋有蠟嘅地方輕輕推磨幾次,直至皮面變得光亮順滑,最後再用一塊半乾嘅棉布抹乾淨,皮面即可消除劃痕。 

 

真皮沙發保養方法 

真皮沙發保養要注意避免陽光直射,同時唔可以放置係濕度較大嘅地方,儘量放係通風處,另外儘量避免小朋友係沙發上亂跳,削弱沙發彈力,減少沙發使用壽命。 日常使用中要避免利器劃傷,同時亦要避免圓子筆、油墨等整污糟沙發。如果發現有污漬嘅地方應立即用皮革清潔劑清潔,抹完後再用乾毛巾抹乾,等待完全乾透後再用保護劑護理。 

最後要注意清潔,如果真皮沙發質量唔好,清潔嘅時候最好用專門嘅皮革清潔劑,潔完後,再噴皮革保護劑直到微濕,切勿用力摩擦,還原皮嘅延展性,從而延長沙發壽命。

 

(以上圖片均來自網路,如有任何版權問題,請與本站聯絡)


 【裝修佬話你知】懂得保養,沙發更耐用!修復甩皮沙發的2大方法

 https://www.facebook.com/hkdecoman