【裝修佬話你知】成地頭髮唔使愁！清除地面毛髮的4個方法

屋企就算打掃得再乾淨，但好快就會發現地板度又出現返一堆毛髮，清理起身的確麻煩，如果屋企有寵物嘅話就更加叫苦連天，既然無辦法阻止，就要諗方法補救，以下裝修佬教大家幾種簡單快捷嘅方法處理。

（文：康少）

1. 吸塵機既輕鬆又環保 

先用吸塵機清除毛髮較多、較集中區域，再用手持式吸塵機，將地板空隙、房間角落等較難清理、難發現區域都可以一網打盡。

2. DIY絲襪掃把  

首先用屋企掃把套上舊絲襪，絲襪掃把嘅原理好簡單，絲襪喺摩擦時會產生靜電，毛髮等輕而細小垃圾就會容易吸附喺絲襪上面。 

3. 茶葉去除寵物毛髮 

將飲剩茶葉瀝乾，然後把半乾茶葉末灑喺地板上，再用掃把輕輕打掃，寵物毛髮就會捲喺茶葉度，清潔地板就輕鬆得多了。 

4. 利用空膠樽 

發現地下有好多頭髮時，可以將膠樽摩擦發熱，後放喺地面碌幾下，你會發現頭髮會聽話咁黐喺膠樽上面。

(以上圖片均來自網路，如有任何版權問題，請與本站聯絡)