【親子好去處】親子綠色聖誕大作戰@挪亞方舟

每一個長假期，挪亞方舟都會舉行唔同嘅活動，等小朋友可以邊玩邊學，過一個充實假期。今個聖誕假就當然唔例外，挪亞方舟已經準備左親子綠色聖誕大作戰，等各位小朋友可以一邊玩，一邊學環保。

小小豬今日仲可以優先化身地球戰士，開開心心去玩返轉啦。

真心多謝挪亞方舟一直都咁愛錫小小豬，每次有活動都會邀請佢嚟體驗一番，有得玩之餘又可以孖住SY哥哥一齊玩，依隻傻豬仔又點會唔鐘意呢~

入場時每位大小朋友都會獲發一份保衛地球大作戰「任務手冊」，入面會有6張價錢$10嘅遊戲券。另外亦有一個小任務，就係要集齊唔同保護動物徽章蓋印，變身成為「挪亞五星拯救戰隊隊長」。

小小豬仲乜咁苦惱？原來佢留意到「任務手冊」內只得6張遊戲券，而每個遊戲就需要2張券，佢擔心玩唔晒6大攤位遊戲呀。哈哈哈……

咁又唔洗擔心，因為我都有一本「任務手冊」，俾埋佢咪夠玩啦。

入到挪亞方舟第一時間就當然係開始去蓋印章，其實5個動物徽章就分別係挪亞方舟不同位置，不過我就唔係依度曝光，留小小神祕等大家入場搵啦。

今次活動就以輕鬆愉快學習環保知識為主，以攤位遊戲形式引入海陸空六大環保任務，等各大小朋友投入趣味玩意全方位領略環保秘笈，考考大家的手眼協調能力和遊戲技巧。

唔好以為只係玩遊戲咁簡單，係每一個遊戲開始前，哥哥姐姐都會以小故事形式同大家講解當中的環保生態呀！

「海龜拯救隊」 

每次獲發4隻「海龜蛋」，每次將「海龜蛋」滾進代表溫度的顏色格子中。其中3隻進入代表指定溫度的格子即可獲獎~

「極地探險家」 

每次可以獲得6隻北極熊公仔，只要將1隻公仔放上發射台彈出後成功降落係冰塊上，就可以得到獎品啦(依個係我覺得最難玩嘅，不過亦都係最具挑戰，雖然...…最後我地都唔成功)

「森林守護者」- 每局獲發6個膠圈，將膠圈成功投擲進有雨林動物的樹上，並且通過樹四方底座即可獲獎~

哈哈哈...小小豬好叻仔，成功贏到第一個公仔啦~

「飛天救兵」 - 每局獲發4枚子彈，要求擊落影響鳥類遷徙的因素卡片，射中最少3個目標即可以獲獎~

「海洋保衛特工」 - 係限時30秒內，用魚竿釣起3條同顏色嘅大魚，就可以中大獎~

「地球彩虹戰隊」 - 每局獲發4枚代幣，拋中彩虹色帶或Goldfish圖案內不踩界，即可以獲得相關嘅Goldfish禮物啦~

都話啲攤位遊戲好易中，小小豬都贏左唔少獎品呀~

學習完環保概念後，我地就先去食個豐富午餐，之後就參加四個工作坊，學習用棄置物料變身成有用東西。

我地第一個工作坊就係「百變紙筒手作坊」(只限12月18、25、27、31日及1月1日)~

將平日時常接觸到嘅廁紙筒，之後包上紙張同各種圖案，簡簡單單就可以做一個獨一無二嘅筆筒~

雖然小小豬一向都係零藝術天份，不過睇住SY哥哥好努力咁做，都可以引導小小豬專心去做(當然我有份幫手都係好重要...呵呵呵)~

小小豬嘅完成品仲得到導師讚賞添呀~

之後我地就轉戰太陽館去玩第二個工作坊，不過話事話，嚟過咁多次挪亞方舟都未嚟過添~

原來去太陽館係需要行一段小小嘅山路，路程大約10-15分鐘，整條路都唔算好斜，所以都行得幾舒服呀~

我地嚟太陽館所進行工作坊就係「CD 時鐘工作坊」~

一聽到話整時鐘，小小豬對眼即刻變成BING BING眼，因為佢都不知幾鐘意時鐘，仲已經叫我唔洗幫佢手，要自己一手一腳整哦~

原來只要利用舊光碟，加上一啲小裝飾就得啦~

雖然小小豬依個完成品唔可以話好靚，不過都係出自佢手筆兼設計，所以都要讚下佢啦~

玩左兩個工作坊，我地又回到挪亞方舟了。玩同行到攰攰地，所以就飲返杯「聖誕雪人鴛鴦特飲」休息下先。

入面嘅薄荷朱古力就當然冇小小豬份，但係用綿花糖砌成嘅咁可愛聖誕雪人，小小豬又點會唔放過呢~

唔洗幾分鐘就KO左可愛雪人，好殘忍呀....哈哈哈~

接住又繼續努力，去參加「膠樽雪人錢罌教室」工作坊~

利用用過嘅膠樽，之後就塗上白色，再加多少少聖誕裝飾，就可得到一個可愛的雪人錢罌啦~

小小豬個雪人都叫OK啦~

嚟到最後一個工作坊，就係整一個啱冬天嘅「迷你暖包 DIY」(12月17日除外)~

原來只要利用簡單雙面膠紙、布碎米粒，然後放在微波爐加熱，就可以做到暖包啦~
就係依個時候，我地就可以蓋埋第5個動物徽章。

即係學識左好多環保知識，可以成為「挪亞五星拯救戰隊隊長」啦。

雖然今次挪亞方舟今次以攤位遊戲同小手工作坊為主，不過遊戲易贏獎品，工作坊又學到環保，都唔錯啦！

More information :
日期: 2016年12月10日至2017年1月2日(逢星期六、日及公眾假期)
時間: 上午10時至下午6時 地點: 香港新界馬灣珀欣路33號
Website： http://www.noahsark.com.hk