【裝修佬話你知】清潔燈具的正確方法

（ 文：康少）

燈具係每個屋企嘅必須品，佢嘅使用次數頻繁，但由於燈具係使用嘅時候會有電磁波，會吸附灰塵及蚊蟲，日子耐咗就會難以清洗，影響光照度同美觀，認真頭痛。以下裝修佬同大家分享正確清洗燈具嘅方法，一齊去文。

首先清洗燈具前，要確保安全，一定要斷開電源，其次係清洗過程中需要注意力度，好多燈都係水晶或玻璃，易碎，容易傷手，最好係戴手套比較好。 

水晶串珠燈罩 

做工細緻精美，清潔起身就好麻煩，如果燈罩由水晶串珠同金屬製成，可直接用中性洗滌劑清洗，清洗後，將表面嘅水抹乾，自然陰乾。如果水晶串珠係用線穿上嘅話，最好唔好弄濕啲線，可用軟布沾中性洗滌劑抹，金屬燈座上嘅污垢，先將表面灰塵抹走後，再係棉布上擠小小牙膏進行抹便可。 

樹脂燈罩 

可用軟毛掃進行清潔，清潔後應噴上防靜電噴霧，因為樹脂材料易產生靜電。 

布質燈罩 

可以先用手提吸塵機將表面灰塵吸走，然後將洗潔精或者傢俱專用洗滌劑倒小小係抹布上，邊抹邊替換抹布位置，如果燈罩內側係紙質材料，應避免直接使用洗滌劑，以防破損。

磨砂玻璃燈罩

用適合清洗玻璃嘅軟布，小心清洗，或者用軟布沾牙膏抹，唔平整嘅地方可用軟布包住筷子或牙籤處理。

褶皺燈罩

用棉簽沾水耐心咁逐啲逐啲擦洗，如果特別污糟嘅話，可用中性洗滌劑清。 

裝修佬溫馨提示 

燈泡罩嘅作用可以防護燈泡，可以減少好多灰塵同飛蟲，選擇燈泡罩嘅時候需要注意，唔好選擇散熱性唔好嘅，亦唔好用完全密封嘅燈罩，安裝燈罩嘅時候要安裝穩陣，避免跌爛。

另外，燈具清洗時要小心，避免整爛，由於燈泡係工作嘅時候周圍會形成一個電磁場，會吸附好多灰塵粒子，時間耐咗，就難以清洗，所以係清洗嘅時候可以係水度加小小白醋，將抹布浸水後擰乾，再抹燈泡即可，咁樣會輕鬆得多。

如果燈桿、燈座係鐵製品，儘量唔好用酸鹼性比較高嘅清洗劑，用中性嘅便可，以免腐蝕燈座，係清洗之後需要用乾抹布抹乾淨，而通電之前需要燈泡乾燥。

(以上圖片均來自網路，如有任何版權問題，請與本站聯絡)