【裝修佬話你知】如何把牆紙貼得又靚又耐用？當中大有技巧！

（文： 康少）

牆紙係室內裝飾使用最為廣泛嘅材料，牆紙花款多、施工方便、價格實惠、環保、提升室內氣派等好處，頗受市民歡迎。

至於鋪牆紙，可能好多朋友都唔係太清楚牆紙應該點鋪，以下裝修佬教大家牆紙黏貼嘅技巧。

所需工具 :

膠水、毛刷、毛巾、海綿、砂紙、裁刀、刮板、卷尺、盛膠容器。 　　

牆紙粘貼技巧： 　　

牆面處理：用刮板將牆面雜質刮乾淨，將凹凸牆面刮平，空隙處用石膏粉填平，如果牆面質地鬆軟或有粉層以及掃過乳膠漆嘅話，應先油一次牆紙基膜，咁樣牆紙先唔會脫落。 　　

裁剪牆紙：

先測量牆面高闊度，牆紙同牆面嘅高度加裁5到8公分，作為上線修邊用，牆紙需考慮圖案嘅對稱性，所以裁剪長度要依照情況增加，通常會加長到8到10公分。 　　

上牆紙膠：

００將牆紙膠油係裁好嘅牆紙背面，特別注意四邊要完全上曬膠，確保施工品質，油好嘅牆紙，塗膠面對折放置5-10分鐘，留意，唔可以施加外力，以免牆紙出現折痕，尤其係無紡布，等牆紙膠完全透入紙底後即可鋪貼，每次油數張牆紙，並依順序貼。 　　

牆紙施工：

一般係門邊或陰角由上向下張貼第一張牆紙，用刮板由上向下，由內向外，輕輕刮平牆紙，擠出氣泡同多餘膠液，令牆紙平坦緊貼牆面。 　　

修邊清潔：

將上下兩邊多餘牆紙CUT走，刀口要利以免毛邊，再用海綿沾水將殘留係牆紙表面嘅膠液完全抹乾淨，以免牆紙變黃，牆紙乾燥後，若發現表面有氣泡，用刀割開注入牆紙膠再壓平即可消除。 　 

裝修佬溫馨提示 　　

貼前，應仔細檢查牆紙嘅花色，避免將牆紙貼反。牆紙膠質量優劣直接影響到牆嘅整體效果同實用年限，購買時應選用正規膠水或牆粉。 膠水主要係針對牆紙，十字布同無紡布嘅牆布唔用膠水。 膠水調和嘅濃度多少以一支筷子可否豎係膠水中嘅判斷為標準。 牆紙施工時，唔可以用力刮、擦紙面膠水，以免使牆紙表面受到污染。 零星牆紙唔好丟，便於日後修補用。 貼好牆紙後，24小時內關閉門窗，等牆紙陰乾。當牆面有需要掛油畫或其他飾物，應係有釘上開牆紙做上記號。

(以上圖片均來自網路，如有任何版權問題，請與本站聯絡)