【#多謝】終極加場！唱到年初三 鄭中基要多謝朱咪咪

自從宣佈明年農曆年會在香港開show，原本只開兩場的《FWD富衛 鄭中基PLAY IT AGAIN世界巡迴演唱會》，最終因為信用卡客戶優先訂票預售反應十分熱烈，門票火速售罄，大會於是宣佈加開一場，但無論是信用卡優先訂票，還是公開發售，同樣出現一票難求情況，甚至有粉絲投訴，通宵在通利琴行外排隊，即使排第一個，依然買不到飛，令主角鄭中基，以及主辦單位「掌賞娛樂」極之頭痛。

粉絲想加場，但因為檔期有限，令鄭中基想加都無辦法，但今天終於傳來好消息，可以加開年初三（1月30日）終極尾場，原來全靠「咪咪姐」朱咪咪背後幫手:「一直唔落實加場，是因為之後緊貼到咪咪姐初七開騷，後來得到咪咪姐幫手，而家搞掂晒，好在有咪咪姐，否則都不知點算好。」鄭中基說。

至於較早前有粉絲買不到飛，紛紛去他的facebook留言投訴，鄭中基坦言有逐一看他們的留言：「我有睇呀！睇到我心都噏，原本演唱會飛賣得好，應該好開心，但見到歌迷買不到飛，又戥他們慘，所以我一直有同主辦單位商討有關加場問題，亦有想過加開下午場，所以今次年初三的門票，希望多啲fans可以入場睇！」

由兩場變四場，鄭中基坦言已開始養聲練氣，他說：「大家不用擔心我，記得農曆年來enjoy個show，因為我都會。」

《FWD富衛 鄭中基PLAY IT AGAIN世界巡迴演唱會》年初三(1月30日）加場門票，將於12月7日公開發售，票價分為＄780、＄480、＄280，日期分別在2017年1月27日、28日、29日、30日 （年三十晚及大年初一、二、三），27日及29日開場時間將延後在晚上9:30舉行。