【體驗親子開心入廚】Friso x récolte 微笑鬆餅機

小小豬仲乜笑得咁開心？從佢嘅HAPPY FACE可以睇得出佢係好有滿足感，認真講我都好耐冇見到小小豬發自內心嘅笑容，估唔到佢自己有份整嘅薑餅人鬆餅有咁大威力呀……哈哈哈～

自小小豬成為小學豬之後，令我最頭痛嘅就係為佢準備小食等佢小息食，平日多數係俾啲餅乾，唔知係咪食慣左，小小豬既然要求想要啲新款式。

午餐我已經唔可以為佢準備愛心飯盒，所以小息食物都要諗諗計滿足下佢先得，既要佢鐘意食又要得意吸引，都真係有丁點難度。

就係依個時候收到Friso送來嘅日本récolte 微笑鬆餅機，簡直係我嘅救星！

唔好睇佢機仔細細，只要簡單幾個步驟，唔洗3分鐘就可以做到靚靚薑餅人鬆餅同埋美式鬆餅。

其實就唔止可以整到薑餅人同美式鬆餅，可以額外加配格仔餅、甜甜圈、微笑樣子同埋具殼樣，咁有可以有好多唔同變化啦。

哈哈哈...…既然有新玩意，等我就買齊材料，同小小豬嚟個親子廚房，體驗開心入廚啦！

原本都想攪攪新意思，不過小小豬實在太心急了，所以今次就先嚟簡簡單單買預拌粉、雞蛋同牛奶試下先啦。

首先插上電源，紅燈亮起就即係烤盤預熱中。

就係依個時候就開始準備粉漿，首先將一包預拌粉倒入碗中。

然後加入一隻雞蛋及100ML牛奶。

拌勻好就可以準備整鬆餅啦。

待預熱速度都好快，唔使3分鐘就完成，指示燈就會熄，依個時候就就可以加入班戟粉漿。其實過程都好簡單，就連小小豬都可以自己整呀！

不過...…當然係同小小豬齊齊整，享受一下親子樂就更加開心啦！～

蓋上鬆餅機再烘2分半鐘左右就完成，不過小小豬話想薑餅人係要啡色多啲啲，所以就烘3分鐘啦！

幾經努力，我地嘅薑餅人家族就出現啦！

小小豬睇見佢啲薑餅人幾興奮。

不過我地嘅工作仲未完，因為要同啲薑餅人仔扮靚靚。我就買左啲顏色朱古力同糖霜等薑餅仔多啲顏色，食落都開心啲啦~

小小豬嘅製成品，雖然就唔係好靚仔，不過全部都係出自佢自己手中，所以嗰一份努力都係值得讚賞呀~

薑餅人鬆餅真係好可愛，加上自己有份整，小小豬食得特別開心。見佢咁鐘意我都已經化身成為一名慈母，依幾朝都早啲起身，整俾小小豬帶返學同佢嘅好朋友分享。

依個小小豬仲叫我係聖誕聯歡會當日整多啲薑餅人仔(仲要指定要著扮好靚靚)開PARTY齊齊分享呀！

如果大家都想親身體驗依個親子烹飪好工具就要留意，由2016年12月2日至2017年1月5日期間，到指定商戶購買金裝美素佳兒® 2/3/4 號配方奶粉1200克珍寶裝任何兩件，即可免費換領 récolte 微笑鬆餅機(甜心紅或蜜桃橙) 1部，名額共2500名。數量有限，換完即止，有興趣朋友就記得快快動手啦！