裝修佬話你知：預防電腦輻射我有計！

（文： 呀J）

電腦，已經成為咗現時大多數人嘅搵食工具，係每日使用次數最高，接觸時間最長嘅電器之一，無形之中我地被電腦產生嘅電磁輻射影響身體健康，而輻射會導致脫髮、內分泌失調、皮膚粗糙等問題。

既然唔可以唔用電腦，咁有咩方法可以預防電腦輻射呢？裝修佬話你知。

綠茶、橙 

對於生活緊張而忙碌嘅朋友來講，預防電腦輻射最簡單嘅辦法就係每日上晝飲2、3杯綠茶，吃一個橙。茶葉中含有豐富維他命A ，唔單止可以合成視紫紅質，仲可以令眼睛係暗光下睇得更清楚。所以，綠茶唔單止可以消除電腦輻射危害，仲可以保護同提高視力。如果唔習慣飲綠茶，菊花茶同樣有抵抗電腦輻射同調節身體功能作用，另外，螺旋藻、沙棘油也具有抗輻射的作用。 

濾色板 

用電腦時裝一塊電腦專用濾色板可以減輕輻射危害，室內唔好放置閒雜金屬物品，以免形成電磁波再次發射。使用電腦時，調整好螢光幕光度，一般來講，螢幕光度越大，電磁輻射越強，反之越細。不過，亦唔可以調得太暗，以免因光度太細而影響效果，易造成眼睛疲勞。 

電腦擺放位置 

儘量唔好將螢光幕背面對住人，因為電腦輻射最強係背面，其次係左右兩便，螢幕正面反而係輻射最弱，以能看清楚字為准，至少要50~75mm距離，咁樣可以減少電磁輻射傷害。  

香蕉

經常係電腦前工作嘅朋友會覺得眼睛乾澀疼痛，香蕉中嘅鉀可幫助人體排出多餘鹽分，令身體達到鉀、鈉平衡，緩解眼睛不適症狀。此外，香蕉中含有大量β胡蘿蔔素，當人體缺乏這種物質時，眼睛就會變得疼痛、乾澀、眼珠無光、失水少神，多食香蕉一定程度上緩解眼睛疲勞，避免眼睛過早衰老。 

護膚 

上網前先做好護膚隔離，其次用電腦後，臉上會吸附唔少電磁輻射顆粒，要及時清水洗臉，咁樣可以將所受輻射減輕70%以上。 

用新款電腦 

盡可能購買新款電腦，一般唔好用舊電腦，舊電腦嘅輻射一般較犀利，同距離、同類機型嘅條件下，輻射一般係新電腦嘅1-2倍。 

室內通風 

科學研究證實，電腦熒光幕可以產生一種叫溴化二苯並呋喃嘅致癌物質，所以，放置電腦嘅房間最好能安裝抽氣扇或保持室內通風透氣。另外，室內光線要適宜 ，唔可以太光或太暗，避免光線直接照射係熒光幕上而產生干擾光線。

(以上圖片均來自網路，如有任何版權問題，請與本站聯絡)