你到底有沒有選錯枕頭？裝修佬話你知！

（文： 康少）

枕頭係重要嘅睡眠工具，係為咗睡眠舒適而採用嘅填充物。唔少朋友瞓醒起身會出現頸背酸痛、肢體麻木不適、甚至會出現「瞓禮頸」（落枕）嘅症狀，其實係你揀唔啱枕頭。一個理想嘅枕頭，除咗令你更快進入睡眠狀態之外，仲可以保護你嘅頸椎，令你係睡眠時候放鬆頸椎肌肉同韌帶，可想言之枕頭嘅重要性。揀好嘅枕頭其實有好多學問，究竟實情係點呢？裝修佬話你知。

1. 形狀 

一般嘅枕頭都係位於人體脊柱嘅最上端，包係條頸入面，由7塊椎骨組成，所以要點選擇一款合適嘅枕頭嘅首要就係揀型狀。一般傳統嘅枕頭，係將頭枕係枕頭嘅最高處，頸椎懸空，令肩周肌肉韌帶關節束處於緊張狀態，而根據人體工學，枕頭嘅形狀以前高後低嘅外形最有利於頸椎健康。 

2. 硬度 

枕頭過硬過軟都係唔好架，稍柔軟但又不失一定硬度，先可以減少枕頭同頭皮之間嘅壓力，從而血液循環從壓力較細嘅地方通過，所以係選購枕頭嘅時候，枕頭嘅硬度係相當重要。 

3. 高度 

枕頭嘅高度一般係因人而異，但並唔係枕頭越高就越好，據研究調查發現，一般亞洲嘅成年人，枕頭高度係8~12cm左右為宜，但具體仲要根據每個人嘅睡眠姿勢來決定，而枕頭嘅選擇最好係平瞓、側瞓先可以保持頸部嘅正常生理弧度。 

4. 手感 

手感亦即係枕頭嘅材質，其實係揀枕頭嘅時候，好少有人會注意佢嘅材質，但係一般枕頭入面嘅材質會影響佢嘅舒適度，除咗助於安眠嘅決明子、蕎麥等保健枕以外，慢回彈性枕頭亦有唔錯嘅溫度感應，會隨溫度嘅升高而變得更加柔軟，可以更好咁包住同付託人體。 

5. 寬度 

枕頭嘅寬度最好係比肩膊寬啲，唔好瞓太細嘅枕頭，因為翻身嘅時候，枕頭會無法支撐頸部，另外過細嘅枕頭會影響睡眠時嘅安全感。所以，建議成年人嘅枕頭長度應該係50-70cm之間，而寬度唔小於30cm，高度係10-15cm左右。

(以上圖片均來自網路，如有任何版權問題，請與本站聯絡)