【裝修佬話你知】冬天裝修注意事項(二)

冬天雖然唔係一個裝修嘅好時機，裝修要注意嘅地方都有好多，但其實只要處理得當，掌握個中裝修技巧，咁一樣都可以裝修得好好睇睇。

以下裝修佬同大家分享冬天裝修注意事項part 2。

（文：艾華）

牆面裂開 

底灰未幹透就油塗料，牆體容易出汗甚至有大面積裂開情況，開窗通風時間最好係上午10點至下午4點之間，呢一段時間氣溫相對高D，可以防止新批嘅底灰凍結。等第一次批嘅底灰完全幹透後，再批第二次，第二底灰完全幹透後，再用砂紙仔細打磨。 

漆面效果不佳 

如果遇上大風降溫天氣，不宜油油漆，因為冬天風較大，油漆未幹時容易附著塵土，應注意選擇無風天氣進行油油，保證施工環境溫度唔低於5度，清漆施工環境溫度唔低於8度，應嚴格按照產品說明中嘅溫度施工，為防止沙粒落係油漆表面上，要關閉門窗。 

瓷磚脫落 

冬天地磚、瓷磚係鋪裝之前要經過浸水處理，一定要令水分達到飽和狀態，咁樣鋪嘅時候先唔會因為瓷磚同水泥直接粘接唔穩陣，而出現空鼓、脫落現象。 

裝飾面板裂開 

裝飾面板運到工地後，應用幹毛巾抹去浮塵，連續油2次清漆封底，所有裝飾面板都應該平放，最下面墊一張大芯板，上面壓一張大芯板，不能豎放，咁樣就可以防止面板裂開、翹起。 　　 

適當預留空隙 

冬天裝修時，門、窗嘅空隙唔可以太細，以免夏天熱脹變緊，關唔實。鋪實木地板時，四邊要留出2mm左右嘅空隙，地板同牆嘅接位用地板壓條形成過渡，就可以較好地處理好牆同地板空隙過大嘅問題。 

裝修佬溫馨提示 

其實冬天裝修都有佢嘅好處，因為裝修行業進入淡季，裝修設計師會有比較寬裕嘅時間同業主溝通，令設計方案更貼近業主需求，設計方案亦會相對完善。木材嘅含水率處於一年中最低嘅狀態，乾燥程度較好，所以冬天裝修嘅木工到咗春夏唔容易裂開，木材膨脹而導致變形開情況亦都有所改善。

(以上圖片均來自網路，如有任何版權問題，請與本站聯絡)