微波爐可謂現代家庭不可缺少嘅電器之一,佢為我地急促嘅生活節奏提供便利。講到微波爐,通常你會擰佢來做乜?叮飯盒?解凍食物?烹飪?

其實,微波爐仲有好多另類用途係少有人知,究竟有咩用途呢?裝修佬話你知。

(文: 呀J)


1. 食具殺菌消毒 

微波爐嘅光波對大腸桿菌、金黃色葡萄球菌同沙門氏菌等有害菌殺菌效果極好,利用光波嘅高溫加熱功能可以喺極短時間內消滅餐具、毛巾、餐巾等家庭用品上嘅病毒同細菌。奶樽、碗、匙羹、筷、口水巾、小毛巾等嬰幼兒用品亦可以放入微波爐內加熱,達到消毒效果。 

 

2. 製作蔬菜乾 

南瓜、甘筍、番薯、蘋果等非葉狀蔬菜水果切成片,越薄越好,將切好嘅蔬菜水果片放喺烘焙紙上,然後放入微波爐加熱2-3分鐘,水分會變成水蒸氣蒸發,然後自然風乾便可。 

 

3. 製作乾花 

用矽膠粉將鮮花埋起身,然後放喺微波爐加熱1分鐘,然後將鮮花取出,將花瓣之間嘅矽膠粉清理乾淨便可。 

 

4. 羊毛衫防蛀 

羊毛衫清洗曬乾後放喺微波爐內加熱數分鐘直至羊毛衫溫熱,唔使放樟腦丸等防蛀劑就可達到防蛀目的,但係要留意唔可以將濕嘅羊毛衫直接放喺微波爐裡加熱,否則折疊處會因高溫而受損。

 

5. 榨果汁 

檸檬、橙、柚等柑橘類水果外皮拮幾個窿,放喺微波爐加熱15-20秒,然後放置1-2分鐘後再用手搓,切開後即可榨出果汁。或者喺水果榨汁前,微波加熱20-30秒,再榨嘅時候能夠榨出更多嘅果汁。    

 

6. 薯仔去皮 

薯仔先喺微波爐加熱20-30秒後,會比較容易去皮。   

 

7. 乾燥食鹽 

鹽受潮後,可以放洗烘焙紙上,利用微波爐加熱幾分鐘,等攤凍乾燥後即可再次使用。    

 

8. 食物恢復香脆 

餅乾、瓜子、花生等食物受潮後,用微波爐處理下即可恢復香脆。    

 

9. 剝栗子皮 

將剝咗外殼嘅栗子用微波爐加熱,擰出後趁熱一搓,皮就會容易去除。

 

10. 製作熱毛巾

將毛巾用水浸濕後擰乾,再用微波爐加熱30秒,就可以當熱毛巾用了,同時仲起到殺菌效果。 

 

11. 去除抹布異味 

將有異味嘅抹布或者毛巾用水沖洗後放喺微波爐加熱便可徹底消毒,異味亦可以去除。    

 

12. 藥物防黴 

將藥材放喺微波爐內叮至溫熱,攤凍後密封放喺保鮮袋,即可長期存放,可避免藥材受潮發霉,其他如綠豆、紅豆、黃豆、木耳等食品也可用此法處理包裝。

 

(以上圖片均來自網路,如有任何版權問題,請與本站聯絡) 


 【裝修佬話你知】微波爐的12個另類用途

 https://www.facebook.com/hkdecoman