【裝修佬話你知】冬天裝修有甚麼要注意？(一)

係好多朋友嘅印象當中,冬天係一個唔適宜裝修嘅季節，冬天溫度低，空氣乾燥，材料難以儲存，質量容易衰退，施工節奏慢，容易拖長工期等問題出現。

究竟冬天裝修有啲咩需要注意呢？以下裝修佬分享俾大家冬天裝修嘅注意事項part 1。

（文： 艾華）

保持室內空氣流通 　　

居室通風宜採取南面開窗大，北面開窗細嘅通風方法，合理控制室內溫度同通風量，不宜強烈通風。 

採用空氣加濕器對室內空氣進行加濕，或者系暖氣上放盤清水進行加濕，保持室內空氣濕潤。 　　

冬天裝修後要至少連續通風七日以上，擺入大量傢俱、地毯、織物入房間後，應空置幾日通風後再入住，避免大量有害物質集中揮發，污染環境，衣櫃應開門空置幾日後再掛衣物。 　　

適當開廚房廁所排風扇、廚房抽煙機加強室內通風換氣。 　　

儘量採用以表面活性劑為主要成份嘅洗滌液清理室內裝修痕跡，唔好採用高揮發性嘅溶劑如：汽油、酒精等。 　　

木地板每個禮拜或每兩個禮拜打蠟一次，唔適宜頻繁打蠟，每日拖地便可。

木材係室內擺3日後再用 　　

冬天室內外溫差大，無論係牆磚定地磚，一定要等適應咗室內溫度先可以鋪，以免施工後出現鼓起、脫落現象。另外，木地板嘅鋪裝要特別留意，如果室內溫度較高，木地板之間嘅鋪裝空隙要儘量細，反之，如果室內溫度較低，板同板之間嘅空隙就可以大啲。 　　

木材最好係有保暖設備嘅室內放3至5日，揮發由於溫度變化而結出嘅水分，令木材嘅含水率接近室內水準，一D輔料木材類似木龍骨、木器、石膏板等，容易受潮後長霉並裂開變形，應儘量避免出現呢啲情況。 　　

避免木材開裂變形 　　

木材、板材嘅擺放要離開熱源至少800mm，避免因過熱導致木材同板材嘅裂開同變形。 　　

水性塗料、膠類應存放係溫度較高嘅房間，避免凍壞。 　　

油漆同易揮發化學物品應單獨存放，遠離熱源，房間要保持通風。 　　

水性材料送到現場後應進行檢驗，一旦發現變質、變性要及時退換，禁止使用。 

底灰唔可以刮太厚 　　

因為室內空氣乾燥，失水較快，油工前嘅底灰唔可以刮得太厚，否則會容易造成鼓起、裂開、牆面不平等現象。 　　

室內水泥砂漿抹灰、貼瓷磚等，唔好太靠近暖氣處，防止局部溫度高造成砂漿過快乾燥、瓷磚剝落等現象。

(以上圖片均來自網路，如有任何版權問題，請與本站聯絡)