(文: 巨龍)

買樓租屋,無非都係想有個落腳之地,但你住緊嘅地方係咪符合風水學要求呢?點解有啲人搬新屋會財運亨通,事業興旺,而有啲人會發現諸事不順,財運突然蕭條落去呢?

其實,好有可能係你住緊嘅地方唔聚財,以下裝修佬同大家分享唔聚財嘅戶型,一齊去文!

 

窗過多過少 

窗過大過細,過多過少會同風水學有關,窗係排氣納氣嘅地方,每個戶型都一定要有,但唔可以多亦唔可以少。如果窗大或窗太多,氣會散,唔應該納嘅煞氣會納到屋企,咁樣一來,對財運會有好大嘅破壞作用,所以,唔好貪窗多通風或窗大涼爽。 

 

東缺角西缺角 

無論係古代還是現代人對待事物都講究一個完整,而實際上係受到風水學嘅影響,如果戶型係某個方位上有缺角嘅話,唔單止會影響流年方位嘅運勢,而且屋主亦會經常係涉及求財方面失利,遇事不順等多方面受到影響。 

 

棺材型 

咩係棺材型嘅樓?就係指前面大,後面細,房屋格局如果係前大後細嘅話,造成咗風水學上嘅棺材煞,唔單止唔易聚財,而且因為洩氣比納氣快,會導致業主係事業上係虎頭蛇尾,收入越來越小,財運不佳,同時會牽連其他方面嘅運勢,所以住係呢類嘅樓會令你越來越運滯。 

 

右高左低 

係風水學中講究嘅係左青龍右白虎,而呢度嘅左青龍、右白虎代表嘅係左右位置,唔係代表真正嘅青龍、白虎。青龍代表東方,白虎代表西方,通常枱面上嘅物品擺放左邊要比右邊高啲,樓都係同樣嘅道理。如果遇到樓嘅右邊是好高嘅樓,或者係高壓塔,而左邊相應樓房低矮,住係呢種戶型入面,或者會健康不佳,或者財運不開,或者事業不順甚至官司纏身。 

 

樓齡過高,整體過舊 

正所謂三十年河東,三十年河西,風水輪流轉,同時運大有關係。樓太舊或樓齡時間太長,往往代表時運已經過去,進入咗退氣嘅煞氣方位。呢類型房屋,不宜住,除非方位同佈局合理得體仍可以旺財外,否則,難求財有利,聚財旺運。

 

(以上圖片均來自網路,如有任何版權問題,請與本站聯絡)


 【裝修風水學】到底你屋企聚唔聚財?小心以下嘅戶型令你錢財暗中消散!

 https://www.facebook.com/hkdecoman