件衫染色點算好？裝修佬話你知！

現時洗衫多數用洗衣機洗衫，一堆衫一齊洗，淺色衫好容易會被染色，如果件衫被染色，首先你會諗到乜？唔要丟咗佢？用漂白水染返白？

但其實用漂白水係利用化學合成物，係超強嘅氯製品，漂完嘅衫對身體唔好，一個唔覺意仲會「喇」爛件衫。

以下裝修佬話你知件衫被染色嘅解決方法，一齊去文！

（文： 呀J）
喺洗衣機度放暖水，開洗衣機清洗，加入一蓋滴露消毒水，放入染色衣物，清洗後將衣物晾乾，就會恢復原先顏色了。 

如果想避免衣物唔甩色，啱買返來開新衫，喺水度放少少鹽浸約半個鐘(留意唔可以浸太耐)，然後用清水洗，記得唔好喺太陽底下曝曬，應放係陰涼通風處晾乾。 

將染咗色嘅衣物放入裝有熱水嘅盆度，每升水加10羹梳打粉，用月桂樹葉覆蓋衣物靜置一晚，第二日再清洗就會發現佢地重現亮白。 

將被染色位置整濕，然後用鹽敷住，再用手反復揉搓，你會發現被染色嘅地方會慢慢消失，最後再用清水清洗即可。 

煲滾一煲水，把無色番梘，大概20g左右或更多，切成細細塊，放入滾水中煮3分鐘，然後，將有污漬染色嘅部分放入滾水中，改成中火煮6分鐘，如果染色犀利，煮嘅時間就加長，當件衫煮乾淨後，用清水洗趕緊再曬乾便可。 

用含陰離子表面活性劑多嘅洗衣粉同洗潔精以1：1比例加入暖水中，將染色嘅地方放喺暖水中浸半個鐘或以上再搓洗，如果仲唔得，就將染色衣物放係50度以上嘅水當中，再加入少量洗衣粉搓洗，利用件衫甩色來減小被染色嘅色差。

(以上圖片均來自網路，如有任何版權問題，請與本站聯絡)