【食譜】冬天到！來煲暖笠笠煲仔飯吧～

呢幾日凍咗啲啲，但其實又唔係好凍。

但人就會隨著天氣去做晚餐，咁凍凍地當然係食煲仔飯好啦！

我好鍾意自己整煲仔飯又快又好食，仲可以自己整埋甜豉油添，又有飯焦夠又可以去皮。

之前我整會用潤腸去整，但包包都有份食，我就用新鮮冬菇唔用臘味，個雞嘅火候好啲，雞仍然夠軟滑。

醃法：

雞只需要用鹽、胡椒粉、薑同蔥撈勻再加生粉撈、最後加上麻油醃半小時以上。

醃雞唔要用水份醃料，因半會令飯變濕又會漿住，所以用鹽、胡椒粉等已經夠。

祕訣：

用之前搽一層麻油，然後先放米及水，就唔會黏底，或少機會黏底的。

飯同水比例與用電飯煲一樣。

做法：

1. 先開大火煮滾，轉小火蓋上蓋煮剛收水就放料。

2. 繼續蓋上蓋用慢火煮15-20分鐘，開蓋望下雞熟唔熟，熟後就熄火蓋蓋焗5分鐘就完成。