香港雖然貴為美食天堂,但原來根據一項調查,我地每日所接觸到嘅餐廳,基本上有6成都係唔能夠提供較為健康嘅食物餐單。唔通真係好食嘅野,就一定唔係健康?

根據科技大學嘅一項調查,檢視左本港305間餐廳及訪問左401名本地居民之後,佢地就發現香港有6成餐廳其實都無未能夠提供素食、低鹽、油及糖嘅健康餐單。

▼根據調查,香港有6成餐廳其實都無素食、低鹽、油及糖健康餐單提供。

65%接受調查,年齡介乎於15至59歲嘅本港居民表示,佢地每個星期都最少有4日以上會出去食飯,另外30%嘅人就表示自己每日都會有呢個習慣。而雖然調查發現香港有6成餐廳都未能提供健康餐單,但6成接受調查嘅餐廳卻認為自己已經提供左健康食物,例如提供左蔬菜作為配菜,或者有多士附送就等同於有健康食物提供左。

對於調查有著咁嘅發現,研究小組就認為餐廳未能提供健康餐單,變相其實係會令人較少會選擇健康菜式。同時,研究亦都顯示相比起60歲以上人士,年齡低過30歲嘅多數就會選擇定價較低嘅野食,而並非以健康作為首要條件。其中一個導致呢個情況嘅原因,相信就係因為大部分打工仔同學生,基本上都只有1小時嘅午膳時間,所以佢地根本就無可能花更多時間挑選健康餐廳,以及等待餐廳花費更多時間製作餐牌時日菜式以外嘅食物。

因此除左建議餐廳擴展開發健康餐單以外,調查亦都認為食物及環境衛生局可以為長者提供更多有關健康餐廳嘅資訊。

(圖片來源:Tumblr)