(文: 巨龍)

露臺嘅存在可以令增加室内採光,視綫廣闊,空氣清新,仲可以賣貴啲添,露臺咁多好處,相信每個朋友都想擁有。

唔講唔知,原來係露臺放置一啲轉運嘅吉祥物可以改善家居風水,提升運勢,咁究竟露臺嘅轉運吉祥物有邊啲呢?裝修佬話你知。 

 

種植物盆栽 

係露臺種植3盆或5盆樹盆栽,具有招貴人功能,尤其適合從事商業或業務工作嘅朋友,種植幾盆芙蓉、紅玫瑰亦可以發揮招納吉氣嘅效果,同時可以化解室內犯洩氣嘅問題。 

 

掛風鈴 

有啲朋友命理缺金,或者露臺係財位,可以係露臺掛風鈴,唔單止聆聽鈴聲撞擊時發出嘅清脆聲,還有催財、旺財嘅作用。 風水輪招祥 由室內面向露臺嘅左便,放置風水輪,等風水輪滾滾流動水氣,招收各路財富,而且流向自已屋企,充實財庫,除咗坐收財氣之外,對職場運勢亦頗有幫助,可以招貴人。   

 

水晶洞補強 

天然水晶洞具有放射同接收磁場能量,可以係露臺放一個紫水晶,但需要注意日頭需將水晶洞口朝外,黃昏時要將紫水晶洞口朝向屋內,先可以令日頭吸收嘅好能量散發屋內。 

 

寫字當符令 

準備一張紅紙,剪成硬幣大細,上面用黑筆寫個火字,貼係露臺牆面,以作為擋煞之用,對於驅逐無形煞氣,具有一定作用。 泰山石 如果露臺外面有煞氣向室內輻射,比如尖角煞、樓角、煙囪、電線杆、發射塔等各種煞氣,可以係露臺上對著煞物放一個泰山石來化解。

 

(以上圖片均來自網路,如有任何版權問題,請與本站聯絡) 


 【裝修風水學】露臺放設這些吉祥物,讓你轉個好運!

 https://www.facebook.com/hkdecoman