外國人經常都會話「You are what you eat」,即係你食乜野,你嘅外觀都能夠一一反映到出嚟。所以如果你最近面部皮膚突然變差,其實真係有機會同你飲食習慣有所改變,食多左唔應該食得多嘅食物有關的。

根據自然療法醫生及皮膚護理專家Nigma Talib解釋,人所攝取嘅食物及飲品,所帶來嘅影響通常都會第一時間出現喺面部。而就著自己行醫經驗,Talib就總括左4種最能夠影響面部皮膚嘅食物及飲品,想要改善膚質嘅就一定要注意!

▼ 酒精

如果你係經常飲酒,咁你塊面就會較為容易出現皺紋,特別係沿住眼嘅周圍出現。此外除咗皺紋,你雙眼眼蓋都會因此下垂無神,而面部更會因為長期缺水而出現紅印及細紋。另外,毛孔亦都會因為受到酒精影響而擴張,鼻唇褶紋亦都會非常明顯。

▼ 糖分

女士最愛甜食,但其實食得多除咗有機會變肥之外,更加係會影響膚質,令額頭明顯出現皺紋及雙頰凹陷。另外,攝取過多糖分亦都會令雙眼皮膚下垂,更甚仲會令臉上出現會痛嘅膿皰,導致表層皮膚變薄,膚色變得暗啞。

▼ 乳產品

乳產品雖然經常都會被標榜成健康食物,但其實過度攝入卻係會令你面部皮膚轉差,令雙眼浮腫、出現黑眼圈之餘,更容易搞到全臉,特別係下巴位置出現暗粒。

▼ 麩質

近年來唔少人都開始關注麩質不耐症,而原來麩質對於某啲人嚟講,係會令佢地面部紅腫。此外,麩質亦都會令佢地下巴附近位置出現黑色素色斑。

(圖片來源:Tumblr, nextshark)