行過路過但唔好錯過！20個絕對有用的家居冷知識（一）

（文：艾華）

日常生活當中，我地會被好多唔同嘅大小事圍繞住，而呢啲小事往往會花好多時間去解決。

其實，你只需要知道下面嘅常識，咁你處理嘅時候就會得心應手，慳時間精力去做其他野。

以下裝修佬為大家呈上家居冷知識part 1俾大家，一齊分享俾你身邊嘅朋友啦！

1. 屋企嘅水籠頭、不銹鋼水槽等，用嘅時間耐咗就會變得殘舊，用醋抹可以恢復光鮮。 

2. 可樂可以用來清潔馬桶，倒喺馬桶過10分鐘沖走，你會發現馬桶變得又白又乾淨。 

3. 沖水唔蓋馬桶蓋將病菌帶入空氣中，如果沖水時馬桶蓋打開，馬桶內嘅瞬間氣旋最高可以將病菌或微生物帶到6米高嘅空中，並懸浮喺空氣中長達幾個鐘，進而落喺牆面同牙刷、漱口杯、毛巾上。

4. 雪櫃冰格抹乾淨後，倒少許油喺布度，均勻咁抹冰格四圍，以後再除霜嘅時候就會非常方便，輕輕一剝冰就甩了。 

5. 牆上用咗膠水、漿糊、雙面膠或膠紙，都會留低痕跡，擠少少牙膏抹喺要黐喺牆上嘅物品，日後就可以輕而易舉咁搣走，而且唔留低痕跡。 

6. 風筒對著貼紙吹，等吹到貼紙嘅膠熱咗，就可以容易咁將貼紙撕落來。 

7. 驅風油去除污漬，特別係原子筆印，一抹就無。 

8. 用絲襪清理不鏽鋼用具，慳力又乾净，煥然一新。 

9. 如果衣物上唔小心滴到油，喺洗衫之前喺滴油嘅地方滴小小洗潔精，再搓幾下，洗完就唔會有油印了。 

10. 夏天洗衫前，將衣物用花露水加入暖水度浸一陣，尤其係鮮色T恤，浸耐小小，咁就可以保持顏色鮮豔，而且仲有陣清香味。 

11. 發霉有霉點嘅衫，將牙膏敷喺上面，乾咗再洗，就可以洗得乾乾淨淨。 

12. 洗純白色嘅衫，先喺水度加幾滴藍色墨水，水變成淡淡地嘅藍色後將件衫擺落去洗，洗完後喺視覺上會俾人感覺更白。 

13. 曬白色波鞋嘅時候，外面裹一層厨房紙，可以令鞋更白。 

14. 有血跡嘅衫，無論咩成分嘅布料，將面霜敷喺血跡上，放10分鐘，然後用番梘或洗衣粉搓洗便可。 

15. 顏色深可能會甩色嘅衫，第一次洗嘅時候可以用淡鹽水浸半個鐘再洗，就唔容易甩色了。 

16. 煮完麵嘅湯，用來洗碗會非常乾淨。 

17. 杯度有茶漬，可以用牙膏刷就可以輕鬆去除。 

18. 將白醋噴喺砧板度，過半個鐘後再洗，唔單止可以殺菌，仲可以除味。 

19. 用牙膏刷洗銀，會變得新净。

20. 閒置嘅潤膚霜、乳液之類，可以用來抹皮手袋，有打蠟嘅效果。

(以上圖片均來自網路，如有任何版權問題，請與本站聯絡)