屋企有蝨點算好？ (不求人)

（網上圖片）

屋企養咗寵物，就會難以避免蝨嘅存在，而蝨除咗咬人吸血引起痕癢之外，容易引起皮膚病嘅發生，導致季節性濕疹，仲會傳播多種疾病。當然呢啲咁可惡嘅生物係唔可以留係自己屋企度，以下裝修佬傳授殺蝨方法，一齊分享你身邊嘅朋友啦！

殺蝨方法 

用火燒殺地面嘅蝨 

如果地面有好多蝨，直接用火燒地面，或用熱爐灰係地面，可以殺死蝨嘅成蟲、卵、若蟲同蛹，但用呢種方式殺蝨時要注意防火。 

樟腦丸（臭丸） 

蝨係充滿樟腦丸氣味嘅空間度，幾個小時就會死亡，可以將臭丸磨成粉，撒係室內各個角落，關閉門窗。 

殺蟲劑 

購買同使用殺蟲藥劑的時候，要節制使用量，適可而止。另外，噴完殺蟲劑後，要立即離開現場。2個鐘之後，再打開門窗充分通風換氣，方可進入室內。要注意，如果屋企有小朋友嘅家庭朋友，一定唔好俾佢地接觸殺蟲劑，以免對大腦發育同身體健康造成不良影響。如喺廚房使用殺蟲劑，注意避免污染食品同廚具，由於大多數殺蟲氣霧劑都係易燃品，所以唔好係用明火嘅廚房內使用，以免引起火災。 

殺滅貓、狗等寵物身上嘅蝨 

呢點非常重要，因為呢個係蝨嘅主要來源，狗狗經常出街會惹到街上面嘅蝨再帶返屋企，市面上有專為寵物殺蝨嘅滴劑，只需要滴喺寵物身上便可，經常保持貓狗身體清潔。 

中藥殺蝨 

百部20克，用半斤酒精浸24個鐘後噴即可快速殺蝨，而且無毒，無味，記得噴完後要開窗通風。 

橙皮 

用新鮮橙皮，用刀切成碎粒，用紗布包起來身擠出帶有酸苦味嘅汁液，然後將汁液用滾水稀釋攪勻，等凍咗後噴係貓狗身上，或用毛巾係橙皮稀釋液中浸濕後包喺貓狗身上，一個鐘頭後，貓狗身上嘅蝨就會全部死曬，呢個方法較天然。 

點樣預防屋企有蝨？ 

徹底用吸塵器打掃家居環境，尤其係寵物經常停留嘅地方，吸完塵後要將吸塵器入面嘅垃圾用膠袋包好即丟。數據研究，吸塵器可以清除50%嘅蝨卵。 

為防止蝨卵同幼蟲等長成成蟲，需要用含有防治幼蟲生長成分嘅殺蝨噴霧劑，市面上嘅產品基本兩種功能都有，既能殺死環境殘留嘅成蟲，又可以阻止幼蟲生長。注意死角位，如傢俱底下都要噴。

寵物用嘅墊要一個禮拜洗一次，附近嘅地方都要用噴霧劑。另外寵物用品都要定期清洗保持乾淨整潔。 　　 

裝修佬溫馨提示 

殺蝨除咗採用產品之外，屋企方面都要搞好衛生，保持地面同牆角嘅清潔，清除塵土，特別係屋企角落，木地板邊緣，地壇、毛壇嘅毛等要細心清理，令蝨無地方藏身同繁殖，另外選擇殺蝨產品時要考慮到屋企其他情況，比如要小心保管，唔好俾小朋友擰來玩，屋企人會唔會對殺蟲劑敏感等，用完殺蝨產品一定要注意通風，咁樣先會遠離存在。

(以上圖片均來自網路，如有任何版權問題，請與本站聯絡)