裝修佬話你知：油畫清潔技巧 (呀J)

油畫係裝飾家居環境嘅法寶之一，佢嘅存在為室内空間提高活力，增添色彩，令單調乏味嘅白色牆面生色不少，最適合追求高品味生活素質嘅年輕人。

但油畫擺耐咗難免會黏到唔少灰塵雜物，影響美觀。油彩又唔可以直接用濕布抹，因爲會表面油彩會黏到毛巾上嘅毛屑，衹會更污糟，實在令人頭痛。

其實清潔油畫有特別嘅技巧，究竟係咩技巧呢？裝修佬話你知。

油畫清潔方法 　　

購買一舊白麵包（饅頭）風乾或曬乾，根據油畫嘅相關尺寸，整成一塊或幾塊，係足夠大嘅地方操作。 　　

將乾麵包或乾饅頭中間部分摳出來，輕輕拍打或掃係畫面上面，反覆幾次，麵包碎饅頭碎可以吸附走畫面上嘅灰塵同其它雜物。 　　

用一支軟毛刷，類似油牆面油漆果種，輕輕咁將掃走畫面上嘅麵包碎饅頭碎便可。 　　

油畫保養方法 

油畫最忌被硬碰傷，如果萬一唔小心碰到有較細嘅傷痕，可以用暖水拉平油畫表面。 　　

油畫切忌放係潮濕易霉爛嘅地方，比如唔可以放係地下單位、厠所等。 　　

卷油畫嘅時候，一定要將油畫向外卷，捲成大畀咁上下粗為宜。

油畫選購知識 　　

盡量揀手繪油畫，現時市面上有印刷填色嘅仿真油畫，時間長咗會氧化變色。一般從畫面嘅筆觸就可以分辨到，手繪油畫嘅畫面有明顯凹凸感，而印刷畫面平滑，只係局部用油畫顏料填色。 　　

油畫要同自己嘅裝修風格協調，簡約風格配現代感強嘅油畫會使空間佈滿活力，可選無外框油畫。另外歐式同古典風格可以選擇寫實風格油畫，比如人物肖像，風景等，最好加浮雕外框，顯得富麗堂皇，大方得睇。 　　

色彩上同室內牆面家具陳設要有呼應，咁先唔會顯得太唐突，假如係深沉穩重嘅家具，畫就要揀相協調嘅古樸素雅風格嘅畫，如果係明亮簡潔家具同裝修，最好選擇活潑、溫馨、前衛、抽象類。

(以上圖片均來自網路，如有任何版權問題，請與本站聯絡)