裝修佬話你知：髹油漆嘅標準 (艾華)

話咁快就10月尾啦，天高雲淡秋風爽嘅日子係執下間屋、裝修、翻新、髹油漆嘅好時候。髹油漆來講呢，夏天會怕氣溫高會出現龜裂情況，冬天又怕有色差問題，所以好多朋友已經蠢蠢欲動想郁手動工。

其實，髹油漆有一定嘅標準，如果無呢個標準就達唔到完美效果，出現顏色唔均勻、唔平整等情況出現。為咗避免呢個問題發現，裝修佬決定話你大家知呢個髹油漆嘅標準，究竟係點？我地一齊去文！

工作準備 

係髹油漆之前一定要做好準備功夫，首先要保護屋企嘅傢俱，將傢俱、窗框、門等用報紙包住，以防係髹油漆過程整污糟，呢樣係唔可以懶。

調色 

調色對於跟住落來嘅工作進行以及髹油漆嘅效果有著至關重要嘅作用，首先要準確計算下需要油嘅牆面面積，如果係有顏色要求嘅話要嚴格控制各種顏色用料，令色彩達到最佳狀態。建議調完色後先在其他地方試過後再油係牆面，以免最後唔係自己想要嘅顏色。 

第一次施工 

首先底漆一定要油，跟住就係面漆，面漆嘅施工要先從吊燈開始，最後先係牆面，牆面上嘅油漆至少需要油兩次，第一次要加水係為咗方便牆面對塗料嘅吸收，第二次唔加水補充被吸收嘅塗料。另外，第一次施工係用滾筒刷施工，使用兩種粗細唔同嘅滾筒刷進行施工，首先粗滾筒刷油一次打底，上下重疊W型油法，再用細滾筒刷，經過細滾筒刷嘅處理之後可以達到細膩質感。 

第二次施工 

第二次施工係筆刷，比細滾筒刷更加細膩，同時將第一次施工遺留嘅細節位補充完整。最後，等油漆完全乾曬後進行細心打磨，令得牆壁無任何瑕疵，細緻滑潤具有光澤。

(以上圖片均來自網路，如有任何版權問題，請與本站聯絡)