馬嘉均向李尚正偷師學戲 唔敢望校服靚女驚變痴漢

馬嘉均伙拍李尚正、簡采恩等人拍攝有線短劇「正義同盟」，劇中飾演補習歌王向女學生大唱網絡金曲。馬仔笑言對制服情有獨鍾，著校服女生特別有吸引力：「唔好心邪，我唔係變態架！女仔著校服有獨特氣質，好純嘅感覺。不過去到我地呢個年紀，見到校服靚女都唔敢望，廢事人地以為我係痴漢！」。

馬仔自認是周星馳粉絲，有幸與星爺御用演員李尚正同場演出感興奮：「我膽粗粗問佢可唔可以合照，好彩冇被拒絕咋！見到佢D表情、動作，你就知點解星爺會揀佢！我有諗過問亞正不如做我師傅教戲，但係我同佢水平仲係差太遠喇，都係出去學左基本功先，遲D再拜師學藝！」