好多人都認為兩個人嘅性格一凹一凸，互相補足之下就會擦出愛火花。此外當講到尋覓對象，有人則會話大家互相吸引，係因為雙方都係憑大家嘅體味選擇配偶。但其實呢類型嘅講法係唔係真係有科學根據，係唔係真係您愛上您嘅對象嘅最大原因呢？
▼迷思#1：性格一凹一凸就一定夾
性格一凹一凸能夠互相取長補短，咁就代表雙方非常合襯，能夠擦出愛火花吧？講就大家都會咁講，但實際上如果兩個根本就係性格南轅北轍嘅人，其實反為會令大家生活非常難過，更難取悅對方。簡單例如您喜歡嘅野，對方未必會同樣喜歡，但喺嘅情況之下，您又需要理解對方而強逼自己迎合。如果一直咁強逼自己遷就對方，根本無可能會可以喺埋一齊。
▼迷思#2：氣味令您愛上對方
唔少人都應該聽過一個喺90年代中所進行嘅研究，指出女性喺潛意識裡係會憑著對象身上嘅氣味，分析出對方免疫系統係唔係同自己嘅唔同，從而揀選出能夠彌補自己不足嘅另一半。其實就算根據實驗指出人係憑氣味搵伴侶，但由於實驗進行時受訪者都係喺近距離拎起對象衣服嚟聞，所以換作喺現實當中都應該要哄到好埋先會聞得到對象氣味，因此對於選擇對象真係未必有直接影響。
▼迷思#3：無性慾就代表唔喜歡對方
當另一半無興趣同自己親熱，你或者會以為關係可能正在轉差，以為對方唔再鐘意自己。但其實由於受到家庭、工作壓力等所影響，人嘅性慾因此就會有起有落，而絕非每一次雙方都一定要滿足對方。此外就算兩人產生興趣時間不合，都可以互相配合，多傾談改善，讓大家好好放鬆心情誘發大家釋放慾望。
▼迷思4#：最理想嘅丁丁尺寸
好多人以為丁丁尺寸有著一個最理想嘅數字，一旦低過某一個數就吸引到異性嘅機會就會細啲。但其實呢啲所謂嘅理想尺寸，對於另一半嘅要求嚟講先最重要，而並非需要達到一個特定嘅要求。此外就算自己丁丁尺寸較小，亦都並不代表你喺床上面更難吸引對象，只要你懂得運用其他方式刺激另一半，咁就能夠吸引到對方。
▼迷思#5：交友問卷調查話合適
假如你曾經使用過交友網站，或者就有過填寫簡單問卷嘅經驗，或者會認為網站根據調查發送適合對象就一定啱。但好多時候你坦白時，人地未必誠實，有機會人地會報細數或者偽裝自己性格。
