男女喺身體構造上面，本身已經相差好遠，但原來從科學及調查當中，更可以發現男女兩性喺性生活方面，雙方無論喺肉體或者係情感上都係有著唔同嘅要求。
咁究竟兩性其實喺性生活方面，係有幾了解對方嘅呢？等我地一齊睇下以下8點，睇下你自己預期嘅同異性有冇明顯分別？
1. 性伴侶數量
根據美國國家健康統計中心數據，年齡介乎於20至59歲嘅女性，佢地一生平均擁有嘅性伴侶就有4位，而男性則平均有7位咁多。
2. 高潮出現率
根據美國國家健康及社交生活問卷調查，有75%嘅男性都表示自己喺親熱嘅時候，通常都會達到高潮。但相反對於女性，達到高潮嘅機會率就只有29%，而且部分女性更表示單憑性交並無法達到高潮，需要刺激陰蒂先至有機會出現高潮。
3. 達到高潮嘅方法
相比起女士，男人要達至高潮其實簡單好多，普通陰道性交就能夠引發高潮。但原來女性要達到高潮，好多時候卻係需要以唔同部位嘅刺激先會做得到。
4. 性伴有冇達到高潮
對於自己嘅性伴究竟有冇出現高潮，有85%嘅男性都認為另一半有喺親熱嘅時候達到。雖然男性似乎對自己同另一半都信心滿滿，但原來真正嚟講，就只有64%嘅女性表示自己喺最近嘅一次性行為中達到高潮。
5. 前戲
男同女喺親熱嘅時候，絕少時間係只會單一性交，而無前戲等嘅小動作。而根據統計，成年人喺發生性行為期間，就約有40組用黎刺激雙方嘅方法。
6. 親熱所消耗嘅卡路里
魁北克大學發發現平均嚟講，男士喺性交時候每分鐘就會消耗4.2嘅卡路里，而女性方面，則平均為3.1左右。
7. 丁丁尺寸滿意度
對於丁丁尺寸嘅滿意度，男性同女性嘅感覺似乎都真係差幾遠下，因為根據學術論文，85%嘅女性其實都滿意自己另一半嘅丁丁尺寸，但男性則相反只有55%滿意自己嘅Size。
8. 聲線
為左令自己更為性感，女性原來係會刻意轉變自己嘅聲線，希望能夠吸引男性注目。相反如果咁嘅行為轉為發生喺男性身上，奧爾布賴特大學研究就顯示通常都會適得其反。
