裝修佬話你知：抹玻璃有竅門 (呀J)

玻璃係世紀偉大發明之一，佢為我地生活中帶來諸多便利，遮風擋雨、隔絕外來灰塵、防蚊等好處。

但時間長咗就會發現，玻璃容易殘留水垢、污漬、灰塵等，影響視覺效果，清潔起身特別麻煩，越抹越花。

其實，針對唔同嘅污漬用唔同嘅方法，以下裝修佬為大家呈上抹玻璃嘅竅門，一齊分享俾你身邊嘅朋友啦。

沾染塵垢嘅玻璃，可用舊布加啲暖嘅醋抹。玻璃上有污漬油垢，可用醋加鹽混合再抹。 

玻璃製品用耐咗會產生污漬，可用適量梳打粉加水用布抹乾淨。係玻璃上滴幾滴煤油，然後用布或棉花抹，唔單止玻璃通透，而且仲可以防止雨天水漬。

用舊報紙加水擦玻璃，然後再用乾報紙抹乾，可令玻璃潔淨。將石膏粉加水鋪係玻璃度，乾曬後用軟乾布抹，玻璃就會非常乾淨通透。玻璃上嘅膠紙漬，可先用刀仔刮低，再用松節油抹便可。

用濕布擦下玻璃，然後再用乾淨濕布加啲白酒，用力係玻璃抹一次，你會見到抹過後玻璃即乾淨又通透。 

用小小洗頭水溝少許清水用布抹窗一次，然後用乾布或紙再將窗抹乾，成個窗就會變得又乾淨通透。 

鍍有金邊嘅鏡框、相框或玻璃有污垢，可用毛巾加小小啤酒抹，就可以去除污垢，回復潔淨光亮。 

玻璃板或鏡有蠟嘅痕跡，可用加有幾滴氨水嘅熱番鹼水抹。但要留意唔好俾水滲入到鏡嘅背面，否則會侵蝕背面漆，破壞反射層。 

玻璃上有大面積油污，先用汽油抹一次，再用洗衣粉或去污粉清洗，然後用清水沖乾淨即可。 玻璃、鏡上有油漆、塵垢，用醋就可以抹乾淨。 

清潔玻璃時，先擦上粉筆灰水或石膏粉水，乾後再用乾布抹，既可輕鬆抹去污垢。 

洋蔥片抹玻璃窗，唔單止可以去除污垢，而且會特別通透。 用茶葉清洗鏡、玻璃等，去污漬效果唔錯。

(以上圖片均來自網路，如有任何版權問題，請與本站聯絡)