Szster 首次出席校園Show 好興奮唔緊張

新人孖女組合Szster張詩雯、張詩雅於中國婦女會馮堯敬紀念中學出席由香港傳藝舉辦的「星夢校園」活動，跳唱新歌《兩分鐘》同陳慧琳既《花花宇宙》。

問到第一次去校園活動，會唔會好緊張，姐姐詩雯就話：「可能因為同學仔好熱情，令到我地都好好興奮，完全唔覺得緊張。」

妹妹詩雅就話：「無咩緊張既感覺，因為啲同學仔既熱情反應俾到力量我地，再加上我同家姐(詩雯)之前都有跳舞表演既經驗，所以好快可以享受返係台上個種感覺。」

張詩雯、張詩雅兩姐妹好滿足首次校園演出，不過佢地話需要繼續努力。

其他出席活動藝人包括：柳妍熙Shay、Lucky Boys 成員王立文Reman、人氣Youtuber組合米納屍Minas、女子組合星座少女、男子偶像組合Gentlemen 紳士樂團和何衍隆等。