柔韌防斷改善受損髮質

Rossana既頭髮個個月都要染，又會定時電下髮

有時又會用下捲髮夾….頭髮難免乾旱開叉

一定要保養返下受損既頭髮啦~

最近Rossana就試用左Essential既護髮產品

經常電燙漂染 或嚴重受損髮質都啱用

Essential 柔韌防斷髮護髮膜 $62.9

吸引Rossana試既原因係因為瓶上寫住用一次就可以Keep 7日！

而成分含天然蜂蜜，乳木果，向日葵精華油，

仲有3倍MEA角質層滋養成份

不但滋潤保濕仲深層修護受損髮尾

最正係特別加入”熱力抗禦修護成份”

即使用風筒或電髮夾都唔怕被熱力損害髮質

清楚註明日本製造

Rossana都幾鐘意橙色既Packing

蓋子波浪型仲有閃粉XD

打開蓋子， 感覺好似小熊維尼既蜜糖XD

Rossana就大約用呢個分量就塗曬整個頭

用法極方便簡單，洗完頭抹乾少少

就可以直接塗上按摩頭皮

之後就等十分鐘，當然你可以選擇按完就洗

但簡介稱等十分鐘就可以keep7日無理由唔等啩

驚冷親既話於等既呢個時候，就可以沖涼先啦XD

沖水後依然散發著淡淡既花果香氣

頭髮無咁dry可以一梳到尾~

跟手Rossana都習慣用下髮尾油~

Essential 全效護髮精華 $74.9

呢支全效護髮精華主要是對抗頭髮摩擦傷害

獨有「高密度角質層保護配方」

用了就可以避免角質層翹起和剝落

因此全效護髮精華是於晚上使用架

Rossana既頭髮唧3-4泵先於手心搓均勻

再抹於尾部1/3位置

頭髮即時變順滑，而且唔笠

當然都可以乾髮使用

假如頭頂髮絲有毛燥，當抹完髮尾

可以輕輕抹於頭頂位置~

本來又dry又毛燥既頭髮，用後變得貼服

第二朝訓醒頭髮再無打結，明顯較容易梳理

頭髮明顯變得健康強韌， 而且改善咗斷髮問題，

梳頭時嘅掉髮大大減少，之後再電髮染髮都唔驚啦！

產品由"Essential" 提供