裝修時客廳放鏡可以增強視覺效果、室內採光度、減少對空間嘅壓逼感等嘅好處。

喺屋企擺鏡,其實有好多忌諱同講究架,如果擺放唔合理會對成個屋企嘅運勢吉凶、事業、財運都有好大嘅影響,所以我地喺擺放嘅時候一定要留意位置同禁忌,避免發生衝撞。究竟鏡嘅擺放有咩禁忌呢?

裝修佬話你知。


鏡嘅擺放位置大忌諱就係唔可以對著自己,亦唔可以對正吉利方位。另外仲唔可以對著窗,鏡唔可以對窗,如窗外有人住,會對人地不利。如無人住嘅話,就會對自己不利,如果外面如有光線入來,觀感會不適。    

客廳鏡應遠離房門同大門,鏡唔可以對著房門,因為鏡嘅風水學認為鏡有鏡神,每個門亦有所屬嘅門神,所以如果鏡對著門,會嚇走平日保護我地嘅門神,並讓房間內容易有卡陰狀況。要營造良好嘅鏡風水,大門嘅正前方,千祈唔可以擺鏡,會令門神同財神一齊被鏡神嚇走,係阻擋財神之意。另外如果屋企有人做生意,則會遇到事業不順,金錢超貸。 

客廳天花板忌裝鏡,鏡最好唔好裝喺客廳天花板上面,因為會令坐喺客廳嘅人有壓抑感。鏡嘅風水知識認為,如果客廳天花板裝鏡,會令坐係客廳嘅人耗氣、耗財。

鏡唔可以擺喺財位上,客廳內財位唔可以擺鏡,咁先唔會因鏡神而被反射走,一般來講,客廳財位喺大門入來嘅左右對角。 

鏡唔可以照廁所門,鏡面對廁所門,會令夫妻喺處理事上容易鑽牛角尖,而且令屋企嘅男士性功能減弱,女士易有婦女病。 

鏡唔可以照爐灶,呢種情況會產生鏡神同灶神對沖,容易令屋企成員身體出現病痛,女士易有婦女病,男士就常會莫名拳腳對待老婆。 

鏡嘅擺放位置唔可以直接對著枱,如果一塊鏡正對著枱,主人嘅氣就會被反射走部分,影響身體健康。 

屋企如果有較長嘅走廊,鏡嘅擺放位置應該喺兩邊交錯掛平面鏡,可以令屋企氣脈通暢。如果屋企大門係穿心劍格局,咁鏡嘅擺放位置係門內嘅屏風上加裝一塊平面鏡,對於化解穿心劍格局嘅煞氣會頗有效。 

 

鏡嘅形狀選擇 

圓形同橢圓型形狀嘅鏡徵圓滿和諧,屋企房間嘅鏡或女主人梳妝台鏡嘅形狀最好用呢兩種,或棱角較少、形狀較唔尖銳嘅都得。

客廳同飯廳可以放方形鏡,方正嘅格局可加強主人氣勢,但最好選用加框嘅鏡,避免棱角煞氣外露。無論係房間或廳堂都最好避免鏡懸掛時有吊腳情況出現,鏡放置喺電視櫃或置物架上比較合適。

 

(以上圖片均來自網路,如有任何版權問題,請與本站聯絡)


 裝修風水學:客廳鏡的擺放禁忌 (巨龍)

 https://www.facebook.com/hkdecoman