【食譜】清新配搭：檸蜜排骨

打唔成風焗到一個點既天氣好難頂，又焗又熱。

無可否認天氣係乾燥的，之前我用檸檬同蜜糖浸或了檸蜜，預備方便沖來飲，又忍唔住手整檸蜜排骨。

那個大少無論何時何地問佢想食乜，佢都只會答：排骨。

實在太悶人既答案，好唔想又再蒸排骨，突然諗不如用個檸蜜整排骨丫～

因為檸蜜有自己既味道，所以排骨醃法唔能夠用太多唔同調味料。

於是我就咁用鹽、少少糖、小小小小生抽(可以令排骨整出來帶少少色)、生粉去醃，個檸蜜就用水開完後加少少生粉，做出來效果好好。

個排骨煮之前再上多次生粉，咁用大火去煎就有呢個效果。

其實用明火去煮蜜糖要好小心，我就先煎脆個排骨後，再回鑊，倒入檸蜜汁用小火兜勻就上碟。

你睇佢個樣幾咁靚，仲帶有酸酸甜甜味呢！

食譜：

排骨    $30 (我都唔知幾重)

醃料：

鹽    1.5茶匙

生抽   半茶匙

糖     1茶匙

生粉   1湯匙

將排骨同所有醃料撈勻

檸蜜汁：

檸蜜　3湯匙

水  　2湯匙

生粉   1茶匙

檸檬皮   少許

將汁料所有材料撈勻

做法：

1. 排骨煮之前再額外加生粉撈勻，熱鑊熱油好熱好熱落排骨，煎香及轉色後再反另一面。

2. 當排骨煎好後就盛起備用。

3. 用另一隻乾淨既鑊，不用再加油放入排骨回鑊，倒入檸蜜汁後用慢火煮至收汁就可以上碟。

檸蜜從何而來？

預備1至2個檸檬，然後用生粉將檸檬洗淨。

然後抹乾表皮既水，跟住就切片放入玻璃樽，跟住倒蜜糖至蓋過檸檬面。

放入雪櫃下晚後可以用得，可以加水做成檸蜜等等。

*唔好問我可以放幾耐，我每次只會做小樽，用完就再整唔會擺好耐的。