【室內設計】工業風格設計技巧 (Freaky)

現時室內設計風格有好多種，歐式風格、現代風格、田園風格、地中海風格同工業風格等。喺咁多種裝修風格當中，工業風格個性張揚、不羈、與眾不同、隨性嘅特點，深受某啲年輕人嘅青睞。工業風粗獷、神秘、個人特色十足，難免會令人上癮。

呢種咁特別嘅裝修風格究竟有啲咩設計技巧呢？裝修佬話你知。

黑白灰色系 

黑白灰色系非常適合工業風格裝修。黑色神秘冷酷，白色優雅輕盈，兩者混搭交錯可以製造出更多層次變化。喺搭配室內裝修同傢俱顏色嘅時候，選用純粹黑白灰色系，可以令屋企更有工業風格裝修感覺。 

裸露電線水喉 

傳統家居裝修有一個重點，就係電線配置要點安排、點去隱藏先唔會人察覺到佢地嘅存在。但喺工業風格裝修反其道而行，唔刻意隱藏各種水電線，而係透過位置嘅安排同顏色嘅配合，將佢化為室內視覺元素之一。呢種顛覆傳統嘅裝修設計往往係最吸引人之處。唔落功夫隱藏天花板上嘅電線，既可以擁有高挑嘅天花板，亦可以恰當打造出工業風格裝修。 

金屬傢俱 

講到塑造工業風格裝修嘅材料，金屬傢俱大概會係大家腦度呈現嘅第一種素材。金屬係種強韌而又耐久嘅材質，從工業革命開始之後，生活就不斷出現金屬制嘅日用品。不過金屬風格過為冷調，可將金屬同木做混搭，既可以保留屋企溫度又不失粗獷感。而其中櫈係最容易，亦係選擇最多嘅傢俱。 

舊式工具 

並唔係一定要櫈或燈呢啲大件傢俱先可以突顯工業風格裝修，其實舊物件嘅斑駁感好適合擰來作為工業風格裝修元素，一個鐵盒，一把較剪、花園工具都係有味道嘅擺飾。

裸露磚牆 

用磚牆取代單調嘅雪白牆面，無任何比磚牆更可以代表紐約等西方工業感，而且好多人都鐘意呢種裝修風格。磚同磚之間嘅空隙可以呈現有別於一般牆面嘅光影層次，而且可以喺磚上面油油漆，無論係黑色、白色或是灰色，都可以帶俾室內一種殘舊卻時尚嘅視覺效果，非常適合工業風格裝修嘅粗獷感。 

原始水泥牆面 

比起磚牆嘅復古感，水泥牆更有一分沉靜同現代感，由水泥建構嘅空間入面，成個人會不知不覺咁放慢腳步，慢慢呼吸冰冷空氣，享受室內嘅恬靜、舒適。 

燈具同燈泡 

金屬骨架同雙關節燈具，係最容易製造工業風格裝修嘅軟裝飾品。裸露燈泡係必備手段，鐘意工業風格裝修嘅朋友一定對各式鎢絲燈泡有印象。布料編織嘅電線同款式多變嘅燈泡簡直係工業風格裝修格燈具嘅必要元素。

木嘅配搭 

工業風格裝修傢俱常有原木蹤跡。好多鐵制嘅枱櫈會用木板來作為枱面又或者係櫈面，咁樣做可以完整展現木紋嘅深淺同紋路變化。尤其係舊、有年紀嘅木，做起傢俱來更有質感。除咗枱面，木制嘅樑柱亦係室內吸睛嘅特色之一。 

皮件嘅運用 

皮件可以喺工業風格裝修嘅傢俱內大放風采，使用皮嘅歷史十分久遠，現時無論歐美還是亞洲地區，都有好多各具特色嘅老牌皮匠工藝。而工業風格裝修搭配關鍵在於皮嘅顏色同材質，務必選擇帶有磨舊感同經典色嘅皮。呢種經典工藝作為傢俱嘅一部份，可以令你嘅生活空間更有復古韻味。

(以上圖片均來自網路，如有任何版權問題，請與本站聯絡)