買樓買第幾層好？裝修佬話你知！ (艾華)

買樓係人生大事，好多朋友會比較注重地段、交通便利、房屋新舊方面做功課。香港地地少人多，樓越起越高，當我地睇樓嘅時候就會糾結究竟高層好還是低層好呢？係咪越高越好呢？低層難免採光會較差，高層視野好，空氣好。

以下裝修佬對高層嘅好壞作出分析，希望幫到你。

購買住宅揀邊層好? 

買樓選擇樓層時，考慮因素比較多，包括噪音、採光如何、空氣質量、視野、方便與否、家庭成員、經濟條件等。 

噪音方面，如果臨街或臨馬路，一般較高樓層受影響比較細，如果噪音來自成棟樓房，矮樓層噪音最大。如果高層風產生嘅噪音較大，但如果係綠化嘅環境，噪音影響會大大削減。 

採光方面，樓層越矮採光條件越差，因此在選擇樓層時，應當瞭解樓間距並選擇冬季的樓層採光時長，具體選什麼樓層，根據採光時長來確定。 

空氣質量方面，由於受空氣流通條件因素影響，低層空氣流通條件差，空氣質量不如高層。 

視野方面，當然係樓層越高視野越開闊。如果屋企有長者，咁買樓裝修適合較低樓層，建議選擇係7~10樓，鑒於長者行動唔方便，而佢地會鐘意去露台透氣，如果噪音太大或空氣質量唔好就會影響老人家嘅身體健康。 

買高層嘅優點 

樓層越高採光效果越好，太陽光照射時間比低層耐。樓層高，家居風水亦比低層好。樓層越高阻礙物少，視野開闊，就算唔開窗都可以望到窗外廣闊空間。通風條件好，一般18樓以上空氣對流，通風佳，以保證室內空氣質量。越高樓層蚊蟲越少，亦比較少有鼠患。 

買高層嘅缺點 

唔係樓層越高就越好，高層亦都有缺點。比如上落唔方便，如果電梯壞咗或者發生意外，落樓就變成非常困難嘅事。高層如果唔裝防風玻璃嘅話，風產生嘅噪音就會好大。從空氣質素來講，高層空氣相對稀薄，患有某啲疾病嘅朋友容易產生不適症狀，尤其係慢性支氣管炎、心臟病、心絞痛、心腦血管疾病患者，選擇高層時更要謹慎。

另外，鋼筋混凝土結構會迫使來自電器設備嘅電波沿著樓迴圈，相當一部分係向上行，直至頂層，所以，高層更容易出現頭疼症狀。從心理學角度講，身居高層嘅朋友容易產生一種根基唔穩定嘅感覺，經常會感到內心壓抑。係高樓林立嘅社區行走，人亦會產生壓抑感。 

裝修佬溫馨提示 　　

綜合以上意見，買樓究竟揀第幾層，仲要根據樓嘅自身條件同周邊環境以及個人狀況來定。高層樓房有好有唔好，並唔係選擇越高就一定好。所以大家係購買時，要考慮多方面條件衡量選擇。簡單來講，樓層越高，遮擋物就越少，採光相對來講會比較好，較適合中青年人選擇居住。較低樓層避開噪音及粉塵污染，行動更方便，適合長者居住。