裝修佬話你知：驗樓技巧（二） (康少)

俗語話股票有風險，買樓要謹慎，風險無處不在。買樓要做嘅功課有好多，驗樓就係其中一樣，往往我地會將心機同時間擺係睇樓買樓過程，忽略咗驗收嘅重要性。驗樓係交樓嘅最後亦係最重要嘅一part，如果草草了事，你就會發現最後蝕底嘅係自己。

以下裝修佬同大家繼續探討驗樓技巧，希望幫到你。

電路檢查 　　

檢查插座開關是否設置合理，電路係裝修中是否需要改造，一係看個人需求，二係睇房屋中插座同開關設置是否合理安全、方便使用。檢查每個電燈開關同電源插座是否可以正常使用，帶個手機充電器或電筆插上就可檢驗電源插座是否通電。廁所嘅電源插座要用防潮插座同有防濺措施，廁所嘅照明燈座必須係安全燈座，洗手盆嘅上方唔應該有插座。

預留冷氣位置是否合理 　　

客廳、睡房冷氣機位嘅位置是否正確。特別係檢查冷氣機位置時，一定要睇是否裡高外低。如果是外面高內低，落雨嘅時候雨水就會滲入來，咁會比較麻煩的事，尤其係冷氣機位開係北面，滲水會非常嚴重。如果發現呢個問題，就要將原先位置封住，再重新開窿。 

牆地磚有無裂紋、空心批盪 

牆地磚顏色問題，一般目測便可發現，一般來講用錘仔敲地磚同牆磚，如果有回聲，同其他鋪瓷磚嘅聲唔同，代表瓷磚無鋪好，時間耐咗可能會出現瓷磚裂開同脫落。空鼓率超過5%為唔合格。  

門品質 

用鏡放到門頂部同門底部，檢查呢啲平時睇唔到嘅地方有無油過油漆。特別係廁所門，如果頂部同底部油漆無油好，時間一長，門底部會腐爛損壞。 　　 

檢查室內平整度 　　

檢查室內平整度三大方法，係樓頂上用繩綁住一重物，貼牆放下至牆腳，從四周檢查傾斜程度。目測大致地平。檢查牆體平整度。牆身、頂部樓板有無特別傾斜，是否彎曲、起浪。 　　 

公共配套 

打開電話、電視線路介面，用力拉下，是否可以正常使用。電話線、閉路電視線、網絡是否暢通到位。

(以上圖片均來自網路，如有任何版權問題，請與本站聯絡)