【室內設計】婚房佈置注意事項 (Freaky)

結婚係人生大事，除咗婚禮，婚房嘅裝修佈置都係非常重要。

婚房作為人生大喜之日嘅重要場所，亦係夫妻雙方相對時間最長嘅地方，所以佈置唔可以馬虎。

現時年輕人結婚唔似以前講究咁多規矩，忽略好多繁瑣事物，但有啲佈置問題及注意事項係寧可信其有，不可信其無。

以下裝修佬同大家分享婚房嘅佈置注意事項，一齊分享俾你身邊就快結婚嘅朋友睇啦。

色彩搭配 　　

色彩係婚房裝飾嘅主旋律，建議使用清新顏色，牆面可以考慮淡黃色、淺橙色、藍白色等，儘量避免使用灰色、深綠、深啡等暗沉顏色。唔可以大面積使用粉紅色，會使神經衰弱，夫妻多口角。地面最好唔鋪地氈，容易潮濕生霉氣、傷氣管，尤其鋪長毛氈更不利。在使用鮮艷顏色時可使用一啲中間色來調節緩視覺衝擊力，亦可以令空間更有層次感。 　　 

婚床擺放 　　

婚房裝飾當中婚床嘅方位最好同新娘命理所喜，例如：新娘子五行喜木，婚床最好靠近東牆。睡房中嘅鏡切勿反射到床，鏡反映到臥床，寓意夫妻不和，容易引發桃花劫，出現第三者。 　　 

洞房窗外忌假石、亂石 

洞房內唔可以擺放假山亂石等，會影響新婚夫妻氣場，導致感情不合。孕婦要格外小心呢類假石，假石又名漏胎石，會令胎兒不穩，甚至有流產危險。 

天花板忌色彩雜亂 

洞房內天花板特別忌諱紅色同深藍色。風水學認為，會導致房中人體質欠佳，女性不利受孕，更會影響人嘅情緒同睡眠品質。 　　 

植物擺設 　　

婚房中嘅植物最好係選擇寓意吉祥嘅植物，諸如百合、萬年青、常青藤等。其次係葉肥厚、圓潤嘅植物，要避免葉尖、有刺嘅植物。呢啲植物都要好好養護，一但發現有枯萎就要及時更換，以免產生唔好嘅婚房風水。 　　

忌電器過多 　　

婚房裝飾中需注意唔好房太多電器，從風水學上被稱之為火災，影響健康嘅同時仲會令夫妻間容易發生口角。另外，電視唔適宜正對著腳擺放，其產生嘅輻射容易影響雙腳嘅經絡運行同血液循環，容易引發疾病。 　　 

忌床底堆積雜物 　　

好多屋企習慣係床下底堆放雜物，雖可以節省空間，表面睇起身整潔乾淨，其實呢種方法並唔可取。因為床底陰暗又唔透氣，堆積雜物容易受潮發霉滋生細菌，另外唔容易打理。不過而家啲上車盤一般都較细，利用地台床增加收纳空間都避無可避。

婚紗相嘅擺放 

結婚當日放置好婚紗相，對婚姻有穩定作用。位置一般係西北或西南方位，西北方為乾為父，代表男主人，西南方為坤為母，代表女主人。床頭擺放婚紗照忌放右方。右方為白虎位，會對婚姻造成不利。結婚照宜放於床嘅左方青龍位，可令二人婚姻獲得加持，幸福圓滿。

(以上圖片均來自網路，如有任何版權問題，請與本站聯絡)