通渠？裝修佬幫到你：馬桶篇 (巨龍)

馬桶嘅使用次數頻繁，或者因為疏忽大意導致馬桶淤塞，而呢個問題係日常生活當中係較為常見嘅，亦係不可避免嘅問題，嚴重影響日常生活。

其實除咗通渠，我地係平時應該多做保養，咁先可以減低問題嘅發生。

以下裝修佬教大家通渠方法，希望幫到你。

馬桶老化淤塞

馬桶使用時間長咗，難免會係內壁上結垢，嚴重嘅時候會塞住馬桶嘅出氣口而造成馬桶去水慢。呢個時候要搵到通氣口刮開污垢就可以令馬桶去水暢通了。 

馬桶安裝失誤

一般分為底部嘅出口同去水口無對啱位置、馬桶底部嘅螺絲窿完全封死造成馬桶去水唔暢通、馬桶水箱水位唔夠高影響沖水效果等，所以馬桶安裝時要特別留意。 

通渠方法

如果係泥土、紙類可溶或可打散物品，多沖幾次水自然就會通。如果係油污塞住，咁就沖一盆滾水落去化開佢。或者買啲燒鹼，煲滾水將燒鹼煮融，倒入馬桶，過十幾分鐘就會通。 

將馬桶裝一半水，用圓形拖把或圓頭刷，對住下水道窿用力攪。或者到超市買個廁所泵，用力泵幾下，半個月一次，就唔會塞了。 

用鐵絲整成鉤型，伸到下水道攪動，污物自然會纏係鐵絲上。或者搵一條半寸寬嘅竹條伸入馬桶疏通。 仲可以用喉道疏通劑，將疏通劑倒落廁所度，倒完後停留三分鐘沖熱水，再等十分鐘，最後用清水沖洗。 

氣筒上綁塊布，然後倒啲水入去然後打氣，一陣就會疏通。 

另外有個冇咁人道嘅方法，就係可以買條泥鰍放入廁所度，倒入暖水，泥鰍遇熱就會博命往落面捐，以達到疏通目的。 

市面上有一種專為淤塞疏通發明嘅工具，前面係彈簧，根據淤塞物離馬桶口高度決定彈簧長度，擰緊螺絲後壓彈簧，直到疏通或將污物取出。 

裝修佬溫馨提示 

以上方法一般情況下都可以令淤塞嘅馬桶暢通返，如果唔得就要搵專業師傅(渠王)解決。馬桶堵塞唔係小問題，發現淤塞要即時處理。以上幾種實用方法，對於堵塞馬桶情況效果明顯。但平時我地亦應該經常做保養，唔需要下下等塞咗先來解決。

(以上圖片均來自網路，如有任何版權問題，請與本站聯絡)