裝修風水學：客廳風水畫選購技巧 (巨龍)

客廳作為一個放鬆身心、娛樂、會客嘅場所，裝飾客廳尤為重要。

客廳掛畫成為普遍嘅習慣，一來裝飾客廳增加美觀，二來提升整體客廳風水走向，有一定意義上可以趨吉避凶，一舉兩得。

說話可以亂講，畫唔可以亂掛，喺掛畫前我地需要攪清楚其寓意同適宜擺放嘅位置，咁先可以達到目的。

究竟咩類型嘅畫啱你呢？掛畫又有啲咩需要注意呢？裝修佬話你知。

眾魚嬉水字畫 　　

水為財，而魚又有著年年有餘、連年有餘嘅吉祥喻意，所以雙魚嬉水圖、九魚圖最適宜擺客廳正門45度對角錢嘅財位上，取其招財喻意。 　　 

山水畫 　　

山水字畫擺法較為講究，一般適合擺喺全屋座方，即門嘅另一邊。或睡房床位置嘅左手邊。山勢平圓嘅字畫亦可掛喺書桌後面作為靠山，可以增加貴人運。宜掛係客廳、會議室、辦公室嘅櫈後等。 　　 

雄鷹展翅圖 　　

雄鷹展翅一般掛喺書房及客廳，代表著鵬程萬里、大展宏圖、壯志淩雲意思，但要特別留意嘅係掛畫後雄鷹嘅嘴唔適宜對著人嘅頭，所以一般係唔適宜掛喺沙發、櫈上面。 

牡丹圖畫 　　

牡丹喻意富貴吉祥，深受大家喜愛。而喺家居擺放中牡丹圖一般可選擇北方同南方，因為牡丹屬木，北方係堪輿上嘅水地，木得水生而茂盛繁榮。南方是火地，取木生火係興旺之象，呢個佈局係近廿年中催旺咗風水上嘅九紫財星。由於西方為金，木不宜被金克，所以牡丹圖一般唔適宜放喺西方。牡丹象徵富貴、繁華等，適合掛喺客廳同睡房。 　　 

書法 　　

書法係風水上最常見用處係擋門煞。例如大門正對著睡房，在風水學上房被門正對著有不利之說，因為大門開閉所形成嘅急速氣流會直沖入房，遇上呢種情況就可以喺房門上掛墨寶。 　　 

荷花畫 　　

荷花亦係蓮花，寓意和氣，出污泥而不染，信佛嘅亦有寓意圓滿、善心等，宜掛喺客廳、會議室、長者睡房等。 　　 

竹畫 　　

寓意步步高升，節節高，宜掛放喺書房、小朋友睡房、辦公室等。 　 

一帆風順畫 　　

由於五行生克原理，所以唔適宜掛喺南方，另外必須注意帆船下嘅浪花唔能夠朝向門窗。 

裝修佬溫馨提示

唔適宜掛超過一幅人物抽象裝飾畫，因會令屋企人嘅情緒反復大，心理唔平衡，容易神經過敏。 

日落西沉嘅裝飾畫唔好掛，此類畫象有令人減低衝勁嘅效果。 

唔適宜掛已故親人嘅大頭畫像，因會令你做事倍增壓力。

唔適宜掛瀑布之類裝飾畫，因為呢啲畫主屋企人運氣反復。 

唔好掛紅色太多嘅裝飾畫，因為會令屋企人容易受傷或脾氣暴躁。 

顏色太深或者黑色過多嘅裝飾畫唔可以買。呢類型裝飾畫望落令人有沉重感，令人意志消沉、悲觀同做事缺乏衝勁。 

兇猛野獸嘅裝飾畫唔適宜購買，否則屋企人健康會較差。

(以上圖片均來自網路，如有任何版權問題，請與本站聯絡)