一提起需要減肥，好多人都會即刻諗起要戒食某幾種食物，餐單都需要以清淡、多菜少肉作為設計嘅先決條件。但如果有人話比你聽食Pizza、墨西哥夾餅、蛋糕都可以減肥，你又會唔會信呢？因為原來喺外國，近期竟然就有唔少人流行用以上三種食物作為減肥餐單食糧成功瘦身，所以真係未必需要完全徹底戒除某樣食物先可以達至瘦身效果架喎！
1. Pizza減肥法
38歲嘅意大利主廚Pasquale Cozzolino自從喺11年搬左去紐約做野之後，就因為工作關係以及承受嘅壓力，而迅速由254磅吹脹到2012年重達370磅。睇住自己嘅褲頭變成為48吋，而且身體開始出現膝頭痛等嘅健康問題，Cozzolino於是就喺15年決定要立即減肥。
根據家庭醫生指引由於成年男士每日就只需要攝取1800至2200卡路里，Cozzolino因此就為自己設計出合乎呢個原則嘅餐單，限制自己每日只食2700卡路里以下嘅食物。而喺設計餐單上面，Cozzolino嘅就主要參考左地中海菜，例如早餐方面，佢就會以進食生果同蔬菜作為每一日嘅開端。
之後去到下午，Cozzolino就安排左自己每日都要食一個傳統嘅拿破崙Pizza作為午餐，並配上生果及沙律，間中更會配上紅酒一杯。
到晚餐時分，Cozzolino就會以海鮮作為逐條，例如燉煮八爪魚配扁豆，再加上一杯紅酒。
最終經過努力減磅之後，Cozzolino嘅體重就回落至276磅，而且Cozzolino更加表示自己將會以254磅嘅目標體重繼續進發。
2. 蛋糕減肥法
好多女仔本身都係好鐘意食甜食，而蛋糕則經常會被認定為最邪惡嘅食物，係節食減肥中第一樣需要全面戒食嘅食物。但唔講唔知道原來喺澳洲當地，Deborah Schipper就研究出蛋糕排毒減肥法，令大家可以喺放心食糕點嘅同時減磅。
根據Deborah Schipper嘅餐單，大家除左要喺四個星期之內跟足早午晚三餐嘅餐單之外，當中原來更加包含過百款嘅糕點，例如班戟、布朗尼蛋糕等讓大家完成四星期餐單之後進食。
亦由於Schipper所提供嘅糕點食譜都係採用杏仁、椰子油、希臘乳酪同可可作為主要材料，所以喺滿足大家對甜點嘅渴求同時，大家只要跟住餐單配搭就唔會增磅，例如食左香蕉麵包作為早餐之後，下午就其實食番一個朱古力cupcake都唔怕，只要大家跟番餐單將攝取嘅卡路里保持喺1200內就可以了。
3. 墨西哥夾餅排毒法
根據美國的德州4位科學家研究，原來喺一個月裡面以素食墨西哥夾餅作為每一日嘅早午晚三餐，並不包含肉類或者奶類食品，其實係能夠有效排毒，減肥同時有益健康。例如啤酒粉漿波托貝洛蘑菇以及薯塊餡料，素食墨西哥夾餅就能夠喺提供足夠能量嘅同時令大家排出體內毒素，從而達至減肥效果。
