【室內設計】如何擴闊家居空間？ (呀J)

香港地寸金尺土，樓價高、居住環境細，辛苦上到車嘅朋友就會發現居住空間太細，覺得侷促，位置唔夠用。

室內空間設計重要，但係設計嘅同時我地要兼顧功能，令屋企既有美貌又有內涵先係重點。

以下裝修佬為大家介紹幾種擴闊家居空間嘅妙招，希望幫到你。

設計好玄關同衣帽間 

衫褲鞋襪嘅擺放成為一個影響家庭空間嘅重要角色，玄關處嘅鞋櫃設計要足夠大，衣帽空間要足夠放置衣物，咁空間必然係乾淨而規整。反之，收拾唔妥當嘅鞋同隨處擺放嘅衣物，自然產生凌亂感。一個設計好嘅玄關空間，能夠為我地生活帶來諸多便利，增加家居魅力。 

加大收納空間 

打造體積較大嘅儲物櫃，可以通過增加櫃嘅高度或者闊度方法增加儲物容量，將櫃嘅功能區做劃分，分別放置各種唔同類型需要收納嘅生活用品。但是儲物櫃最好唔用笨重感嘅櫃，因為如果係細單位空間，唔單止唔能夠增加空間感，反而會令空間顯得更狹窄局促。所以選用有通透感嘅收納櫃效果會較好，比如格仔櫃、或者橫架櫃。 

使用唔同間隔劃分功能區域 

尤其係對於細單位來講，使用間隔來將原本嘅空間進行一定嘅分隔能夠大大咁增加空間嘅實用性同功能性。但係間隔盡量唔好用兩邊都封死嘅實體牆，咁會令空間顯得更細。另外唔好將空間區分嘅過細，顯得繁瑣甚至係支離破碎，係區分開功能嘅同時保持空間嘅整體性係需要特別留意。

傢俱功能多樣化 

現時市面上有好多一物多用嘅傢俱，比如帶有收納作用嘅床、沙發床等等。呢啲組合型傢俱嘅出現為節省家庭空間起到很大嘅作用。 通過室內顏色延伸視覺空間 一般來講，使用淺色同光猛顏色來做室內顏色裝飾能夠令室內空間顯得明亮寬闊，同時光猛嘅視覺效果令身在其中嘅人身心舒暢。

(以上圖片均來自網路，如有任何版權問題，請與本站聯絡)