【室內設計】兒童房裝修注意事項 (呀J)

兒童房係室內設計裝修嘅重點，作為父母嘅我地當然係要將最好嘅俾佢地，特別係小朋友玩樂、瞓覺嘅地方。

由於每個小朋友嘅性格、喜好唔同，唔同年齡段對房內空間擺設要求都各有差異。

想自己小朋友健康成長就絕對唔可以馬虎，以下裝修佬同大家分享兒童房裝修嘅注意事項。

安全問題 　　

兒童房設計特別要注意佈局安全問題，比如書枱、床、衣櫃儘量避免方角出現，多採用曲線型傢俱，防止小朋友唔小心撞到邊角。地面最好鋪地毯，小朋友跌親經常發生，地毯食力、防滑，減低受傷程度。同時要注意裝修材料嘅安全性，儘量用環保材料，預防裝修污染。最主要係用電安全，兒童房內嘅電源插座一定要有自動閉合嘅插座。 

色彩問題 　　

兒童房嘅主色調最好以明亮、輕鬆、愉悅為主，或可根據小朋友喜好選擇。如黃色優雅，粉色可愛，綠色健康、活潑，藍色安靜，童話色彩較濃。活潑好動小朋友可選擇藍色或白色，而比較內向、斯文嘅小朋友可選擇暖色調顏色。盡量唔好大面積使用過於豔麗嘅顏色，因為會令小朋友更加興奮。 

採光通風問題 　　

小朋友嘅成長需要陽光陪伴，陽光充足嘅房間有利於小朋友健康成長，所以小朋友房間要有較好嘅光線，採光要好、視線亦要開闊。通風要好，經常通風可以有效減少室內細菌病毒停留，減低小朋友病嘅機率。 

裝修佬溫馨提示 :

由於小朋友缺乏自我保護意識，一定要避免發生任何意外傷害，係室內唔好使用大面積嘅玻璃或鏡。 

兒童房中嘅玩具架唔可以太高，否則小朋友擰、放玩具會容易搬到傢俱或攀爬時跌傷，兒童房嘅傢俱一定要放穩，有棱角嘅地方應該有棉套等輔助裝飾，高以及有櫃桶嘅傢俱要固定係牆上或地面上。 

為了避免出現折疊枱、櫈係搬動同碰撞時夾傷小朋友情況，最好買一啲帶有保險繩或鎖緊開關嘅保護裝置嘅折疊枱櫈，避免夾傷小朋友。 

兒童房間視窗、落地窗同陽臺窗口要安裝安全護欄。窗邊唔好放置小朋友可攀爬嘅傢俱。 

兒童房唔好鋪設泡沫拼圖，因為可能會造成室內空氣中嘅揮發性有機化合物質濃度增高，對小朋友健康有影響。 

兒童房嘅門適宜採用實木門，門表面建議使用環保型油漆，最好唔用大芯板做門芯嘅複合門，佢嘅甲醛含量同釋放量比較高。 

兒童房係照明設計上需要比較多嘅燈，合適充足嘅照明可以令房溫暖、有安全感, 有助於消除小朋友獨處時嘅恐懼感。

(以上圖片均來自網路，如有任何版權問題，請與本站聯絡)