【食譜】味菜牛柳絲

呢兩日都約了朋友晚飯，近來太忙所以想見下朋友比自己空間，今晚帶埋包包去，明晚就唔帶。

出去兩日大少爺既晚餐我堅持煮，佢太體諒我了。

有時佢見到我好累就會話：你去下街啦！唔好帶個仔否則你會分心；甚至話：你去旅行啦，搵個朋友陪你旅行啦。

所以我都要對佢更加好，令佢工作後都有鍾意既住家飯食。

大少爺好鍾意食味菜牛柳絲，特別整完比佢先出街的，夫妻最重要禮尚往來，雙方都要付出。

材料：

牛柳   2塊（切絲，先用生抽、糖、少許酒、生粉醃半個小時）

味菜(甜) 半個切絲

青椒、洋蔥   份量隨意，切絲

洋蔥   半個

辣椒   隨意

獻汁：

生抽   1.5湯匙

水       50ml

老抽   1茶匙

鹽     半茶匙

糖     1.5茶匙

白醋   半茶匙

酒      半茶匙

生粉    1茶匙

做法：

1. 牛柳絲落鑊前再加半茶匙生粉，撈勻，爆至5成熟後盛起備用

2. 將味菜、青椒、洋蔥先炒香，牛柳絲回鑊，加上獻汁，獻汁杰身後熄火