鋁窗因為抗風壓、水密性好、保溫隔熱等性能好大受歡迎。

鋁窗為我地遮風擋雨、令屋內空氣流通減少細菌病毒滋生、增加室內採光度等,作用如此多,但你又有無去保養過佢呢?你又識唔識保養呢?

以下裝修佬為你逐一講解鋁窗嘅保養方法。

抹玻璃時,唔好令清潔劑或水滲入玻璃壓條內,以免壓條變形。抹玻璃唔好太用力,以免玻璃損壞傷及人身。如玻璃有破損務必請專業師傅維修。 

使用鋁窗時推拉動作要輕,發現有困難切勿硬拉硬推,應先清楚故障問題。積塵、變形係鋁窗推拉困難嘅主要原因,要保持門框清潔,特別係推拉槽嘅清潔。可用吸塵器吸走槽內同門封毛條嘅積塵。 

應經常檢查鋁窗框架嘅連接部位,及時旋緊螺絲,鉸鏈、滑輪、執手等五金配件是否正常,如有損壞應及時維修更換。 

雨天過後,應及時抹乾淋濕嘅玻璃同窗框,特別注意抹乾滑槽積水。滑槽用耐咗,摩擦力增加,可加少許機油或噴潤滑劑。 

清潔時唔好踩到鋁框上,亦唔可以推拉框做支撐,咁做會對鋁窗有磨損,仲可能發生意外,小心為上。鋁窗係使用過程中避免銳器對表面造成碰、劃、拉傷及其他損壞。 

鋁窗可用軟布沾清水或中性洗滌劑抹,唔好用番鹼同洗衣粉,更唔可以用去污粉、潔廁劑等強酸鹼嘅清潔劑,嚴禁同酸、鹼、鹽等物質接觸。 

密封毛條同玻璃膠封係保證鋁窗密封保溫嘅關鍵結構,會因熱脹冷縮原因,門窗膠條有可能出現伸縮現象,此時唔能夠用力拉扯密封膠條,應使其呈自然狀態,以保證門窗密封性能。鋁合金門窗嘅密封膠條、毛條出現破損、老化、縮短時應及時修補或更換。

(以上圖片均來自網路,如有任何版權問題,請與本站聯絡)


 裝修佬教路!鋁窗的保養方法 (巨龍)

 https://www.facebook.com/hkdecoman