呢隻完全係意外入手...舊年變形金剛30誌慶，初公布時知道得大約1千體。
應該難以入手，又貴到嘔。
但最近出貨，比朋友毒一毒，自己又走上信和3樓自己毒一毒自己，
再加上咁啱預到日版價錢合理...咁就...
雙封面，好有型。
內容都係咁，配件冇多，人仔著上 Nerv 制服， Nerv 櫃。
先睇文哥本體。
招牌指揮官 pose, 手指指點紅點綠。
一如以往 MP-10 咁有型，求其擺 pose 都好睇。
本品上色亦上佳。冇乜sad 位，好完美。
用上 Evangelion 初號機配色。
如果有得換個暴走型態嘅文哥頭，一定更加好玩。
戰斧改為紅色，諗起初號機斬到使徒一頸血。
為咗要影相 + 寫個post。
千萬不願意都小心奕奕地變一次，好驚刮花。
如果 Eva 色文哥係好靚，咁個櫃就係超級靚。
影到呢度...我想擺個初號機入貨櫃。
但家裡竟然一件初號機玩具都冇...
個櫃真係毒到冇朋友...
有買貴冇買錯之作，期望唔好再有下一彈 crossover Evangelion。
事關買齊會好大鑊 XD。
