室內設計經驗分享：睡房裝修風水禁忌 (巨龍)

睡房係我地每日停留時間最長嘅一個地方，係每日嘅加油站，睡房嘅環境情況直接影響到人嘅休息同睡眠，所以對於睡房嘅裝修唔可以馬虎。

雖然好多人都會話自己唔係迷信之人，唔需要理會，其實風水嘅理論唔係妖言惑眾，完全係可以用醫學同心裡學知識來解釋架。

今次裝修佬同大家分享下睡房裝修嘅風水禁忌。

床正上方嘅屋頂裝有吊燈 

風水上將床正上方嘅屋頂裝有吊燈稱為吊燈壓床，認為煞氣重。對健康不利。現代心理學研究發現，床正上方嘅屋頂若裝有吊燈，確實會俾人以心理暗示，增加人嘅心理壓力，影響內分泌，進而引起失眠、惡夢、呼吸系統急病等一系列健康問題。 

裝修佬建議 : 保持床正上方屋頂空曠，喺床邊使用光線柔和嘅落地燈或檯燈。 

帶露台或落地窗 

睡房如果帶有露台或落地窗，同樣增加睡眠過程中嘅能量消耗，人容易攰、失眠、因為玻璃結構無法保存人體熱能。呢個同露天瞓覺易病係一個道理。科學家通過特殊攝影方法拍攝人體能量場光譜後發現，瞓喺帶有露台嘅臥室能量場會弱於瞓喺帶露台嘅睡房。 

裝修佬建議: 選擇唔帶露台或落地窗嘅房作為睡房，或掛厚窗簾遮住。 

窗口大、朝東或朝西 

風水師指出瞓喺視窗大、朝東或朝西嘅房容易因光煞導致血光之災。因為喺朝東或朝西嘅房，朝頭早或下晝猛烈嘅陽光會導致睡房內光線過強，刺激神經影響休息，導致失眠，更令人變得脾氣暴躁、衝動易怒。 

裝修佬建議: 選擇視窗唔大、朝北或朝南嘅房作為睡房。如果已經住入咗朝東或朝西嘅房，而暫時唔會變換，咁就注意喺適當時候拉好窗簾。 

電器過多，尤其電視對正床腳 

睡房電器過多喺睡房風水上稱為火宅，影響健康。現代醫學理論亦指出，電器輻射確實有損人體健康。腳係人嘅第二心臟，處於待機狀態嘅電視若對正床腳，輻射更容易影響腳嘅經絡運行同血液循環。

裝修佬建議: 少喺睡房擺電器，尤其唔好將電視對正床腳，唔用時拔走電源。 

睡房嘅廁所門對正床 

風水理論認為廁所五行屬水，陰氣較重，容易引起腰腎不適。調查發現，睡房帶廁所，尤其廁所對正床嘅住戶確實大多有腰疼症狀。因為廁所裝修得再好，都改變唔到其排污本質，空氣質素唔好，沖涼後更產生較多濕氣。如果廁所門對正床，唔單止容易令床潮濕，仲影響睡房嘅空氣質素，時間長咗就導致腰痛，更會增加腎臟嘅排毒負擔。 

裝修佬建議: 喺廁所放幾盆綠色植物，或喺床同廁所門之間加屏風作為遮擋。

(以上圖片均來自網路，如有任何版權問題，請與本站聯絡)