室內設計經驗分享：玻璃淋浴房 VS 浴簾 (呀J)

相信好多朋友係裝修廁所嘅時候都會諗過，到底係裝玻璃淋浴房好？定係掛浴簾好呢？

淋浴房佔用空間大，又容易壞，仲會有爆破危險。而浴簾花款多價錢又平、靈活空間，簡直係平靚正。

當然，針無兩頭利，蔗無兩頭甜，有好梗有唔好嘅地方。以下裝修佬為你分析淋浴房同浴簾嘅好壞。

浴簾 VS 玻璃淋浴房 　　 

功能對比：淋浴房防水性能更勝一籌 

對比：淋浴房嘅防水性能比浴簾好，唔會測漏，但間然中會發生淋浴房玻璃爆炸事故。 

淋浴房：玻璃淋浴房充分利用室內一角，用圍欄將淋浴範圍清晰咁劃分出來，形成相對獨立嘅沐浴空間。而且做到絕對乾濕分區，避免相互影響，方便日常生活。冬天使用淋浴房仲起到保溫效果。 

浴簾：浴簾可以達到對沐浴區簡單嘅乾濕分區作用，防止淋浴嘅水花飛濺到淋浴外嘅地方，起遮擋作用。係室內溫度較低嘅時候浴簾有聚集熱蒸汽，維持淋浴區局部溫度嘅作用。但浴簾濕水會沾水黏人，比較唔舒服，但空間較細用浴簾會比較方便。 

裝修佬分析：無論由乾濕分區定係保溫功能來講，淋浴房都更勝一籌，有足夠嘅空間最好係安裝淋浴房。但對於一啲細面積嘅廁所來講，掛浴簾既慳錢又慳空間。

價格對比：用浴簾可以慳部電視嘅錢 

對比：浴簾價格平，幾廿蚊就可以買到，仲可以根據風格、心情隨意轉換。 

淋浴房：優質嘅淋浴房通常係用合金框架同鋼化玻璃拼裝而成。唔同材質價錢亦唔同，現時好多牌子嘅淋浴房已採用鋁鈦合金制做框架，價格相對較高。但係淋浴房千祈唔能夠貪平，萬一沖涼發生爆炸事故就可大可小。 

浴簾：浴簾主要係一支浴簾桿同一塊布組成，成本不過幾百蚊。而玻璃淋浴房價格高，動則幾千蚊，如果淋浴房有損壞，維修費用會較高。 

裝修佬分析：掛浴簾係最慳錢嘅最佳選擇，但浴簾容易發霉，容易滋生細菌，最好用一段時間就換。沖涼浴簾會可能黐住皮膚，濕答答嘅感覺會唔好受。如果有條件，淋浴房係唔錯嘅選擇。 

外觀對比：淋浴房大方得體 

對比：淋浴房形狀多，一字形、圓弧形、鑽石形等。浴簾花款豐富多樣，可滿足個性需求。 

裝修佬分析：從外型來睇，淋浴房係一個透明嘅區域劃分，如果要達到人體遮擋效果嘅話，仲要掛浴簾。 　　　

裝修佬總結

淋浴房空間佔用率低、防水性能好、大方得體，雖然可能會有爆破事件發生，但鋼化玻璃就算爆破都係圓粒形狀，減低受傷程度。而浴簾除咗平、花款多之外就無特別優勢，如果錢唔係問題就果斷裝淋浴房啦！

(以上圖片均來自網路，如有任何版權問題，請與本站聯絡)