雖然筆者唔相信神，但確信人類生出一對手腳加個腦，自然係有佢地用途。不過睇完今次呢個環球懶人實錄，你真係會對呢班人感到絕望。因為佢地只需要稍為動手，就可以做到好多野，但佢地卻用佢地腦（或者無用過），去將懶嘅極絰發揮到極限！甚至情願去到浪費地球資源都要懶！
絕望啦！我對人類嘅懶感到絕望啦！
1.坐車剷草話咁易 其實認真多舊魚
假如你身邊有朋友、或者你自己係美加、歐洲及澳洲住過一排，都知佢地剷草其實都用剷草機。本來有剷草機已經幾方便，不過人類嘅惰性，係永遠超乎人類想像。而中呢位仁兄，就情願用多啲油搵人開架車仔畀佢代步，都唔願自己行下…環保公敵啊！
2.蘋果唔去撕貼紙 難度高過動手摵
蘋果上面將貼紙，其實唔駛花好多時間去撕。但懶到好似圖中呢個人咁，剩係食剩個貼紙位，講真難度真係高過撕咗張野佢多多聲。
3.訓住睇片唔駛煩 隨時睇到頭都量
訓係度睇手機、平板、甚至手提電腦，都可以話打直部機就得。但電視就無可能咁做喇掛？假如你係一部舊式大大部嘅電視，咁你就可以試下，成部機打直棟起佢咁睇。不過可以話你知，咁樣搬來搬去咁麻煩，就不如早啲訓好過。
4.Hea著救火夠晒嘆 皆因早就渣都無
咩叫Hea著做？就係你明知做完都無用，但又唔做唔得個陣，你只好用最簡單舒服方法去做完件事。而呢位消防員，就眼見前面間屋燒到救返都要拆，就只好繼續射水，等佢唔好燒埋其他地方算。不過串到佢咁，坐定定重要有枝水咁救…話佢Hea爆都不為過。
5.神奇遙控曲棍球 行多兩步唔算煩
懶…就係自己行多步都唔想，情願搞好多花臣做一件事，都唔願行一步做一你簡單事情。而圖中呢位仁兄就係最好例子：你見佢電視機下面有Xbox、檯頭都有部手提電腦，都知應該係個有遙控器嘅年代。不過佢一係壞可遙控、一係懶到出汁。情願搵大大持曲棍球去轉台，都唔願意起身行兩步。
而筆者親身經驗可以話你知，到你督中個製，再到你揀啱你想要乜個陣，應該都夠你起身轉台六、七次。
6.曬著太陽訓住嘆 飲啖可樂唔使煩
有時候個人曬下太陽，加杯凍野飲，有時的確係幾爽皮。不過當你倒轉身曬背脊時，又點樣先飲到杯凍飲？有人就想得出呢種怪方法：成隻杯放行沙灘椅下面，再用飲管穿過去，聽落又講得通喎！
不過實際係點？見佢成個口嘴落張唔知幾多人坐過嘅沙灘椅上面，嘔心度爆燈，咪搞我。
7. 放狗放到開車溜 不如落車慢慢行
人地就放狗當係做運動，但圖中個司機究竟想點？架車不單要行得慢去就隻狗，重要一車一狗霸著兩邊行車線，認真摟打！
8.早餐食野要加奶 懶得用杯直接來
唔知大家有無試過食麥片當早餐？以前筆者就試過，朝朝早都要搵隻杯加奶加糖，急起來真係無咁多功夫做呢啲架嗎。不過人總有搵到最方便嘅方法，例如直接係裝麥片個袋度加奶！唔好講笑，只要你唔加熱奶的話，跟晒方便安全！尤其是細盒裝麥片，重可以一包一個，食完無手尾你跟，可以話係咁多樣懶人懶事中最實際嘅一樣。
9.火車訓覺要矇頭 一個唔該隨時死得
搭車攰攰地、又或者成程無野做，最好就係訓一陣。不過點樣先可以訓得舒服？圖中呢位哥仔就有個好奇怪方法：就係搵條頸巾圍著個位一圈，再包著自己個頭，咁咪唔駛搵地方挨來挨去囉！
好方法，不過明眼人一睇就知，佢條命仔隨時係有危險：一係就忽然剎車，再被條巾chok一chok條頸整到頸骨、就係焗到透唔到氣就咁缺氧暈低。
