藝術有價買唔起畫遭白眼 雷晴雯：「買唔起又如何？」

藝人雷晴雯 Winnie (原名雷穎怡) 早前獲邀出席「水禾田慈善水墨畫展」，並獲大會安排，為其藝文頻道《舞影藝文》再次訪問水禾田，Winnie笑言依然緊張：「細個睇亦舒嘅作品時已經好鍾意水禾田老師嘅畫作，計落都有廿幾年。訪問老師點都會有啲緊張，老師係攝影及繪畫大師，見聞廣闊學識淵博，加上老師嘅腦轉數非常快，自己轉慢少少就已經有可能接唔上，大師級嘅 Video 專訪仲要必須只能一 take 過，少少壓力一定有。」

水禾田與太太嘉寶都是藝術家，Winnie 表示於與嘉寶聊天的過程中得著很多不同角度的啟發。

Winnie 第一次訪問水禾田嘅 Video 出街之後先發現原來佢唔少朋友都勁鍾意呢位大師，恨到身邊啲朋友牙癢癢，所以今次嘅水墨畫展 Winnie 特意搵其中一位鍾意水禾田嘅攝影師好友幫忙影相及錄 Video ，一於開心一齊 Share 咁話：「其實今次係佢第一次拍呢類型嘅 video，完全無經驗，所以片段出現偶有失焦嘅情況，希望大家唔介意啦！」雖然拍得唔夠專業，但 Winnie 認為可以俾好友留下咁開心難忘嘅回憶，少少失焦已經唔重要！

Winnie說水禾田這次展出的作品都充滿著寧靜與和諧，同時滲出絲絲禪意。

Winnie 係公認嘅才女，但估唔到佢連自己個藝文頻道都係一腳踢，由資料搜集、寫稿、影相、攝錄、到後製的加工、剪接、配音、字幕等，前期後期全部一手包辦從未假手於人，連佢自己都覺得不可思議：「我其實係超級電腦白痴，樣樣都由零開始學起，逐啲逐啲咁自學返嚟，有時都真係幾痛苦，最記得第一次學配字幕，由試 software 到成功完成，足足試咗四日四夜，搞到做幕後嘅好朋友都頂我唔順話要出手幫我整。」但死硬派的 Winnie 自覺唔可以成日麻煩朋友，點都要學識為止，但她坦言嗰四日簡直係慘絕人寰，試到佢人都癲。

水禾田為其作品賦予生命，Winnie超驚訝睇亦舒作品幾百本卻從不知封面中的人鳥魚均有名字，畫中小鳥水禾田為其取名「善善」。

問 Winnie 經營其藝文頻道多年可有遇過不愉快事件，先知原來 Winnie 呢個藝文編輯都唔係咁好做：「某次獲邀出席一個大型畫作及藝術品慈善拍賣展，主辦方亦為《舞影藝文》安排咗採訪時段，但聯絡過程中，主辦方突然不斷非常積極咁推荐同遊說我一齊參與競投畫作，乜嘢理由都用晒但依然推唔甩，最後只得明言其實自己未有參與競投嘅經濟能力。」Winnie 憶述當日純粹希望把該次展覽介紹予觀眾，未料因此遭主辦方於電話中以言語輕蔑兼 Cut 線，最終 Winnie 無奈地選擇不出席並取消該次訪問。問 Winnie 會否因此感到難過，Winnie 卻不以為然，笑著說：「買唔起又如何？我大把嘢買唔起啦！事實又怕咩認！之前香港展出嘅 Claude Monet 同 Van Gogh ，仲有 Susan Herbert、Edgar Degas，幾位畫家嘅作品都係我心頭好，唔通我又買得起咩！買唔起唔代表唔可以去欣賞、鍾意佢哋嘅作品，亦唔會防礙我介紹俾大家，『藝術』本來就係無價，我唔會以買唔買得起去衡量當中嘅價值囉！」

水禾田為其筆下女子取名「家家」。

Winnie 雖為電腦白痴，卻為經營其藝文頻道《舞影藝文》乜都學齊，前期後製一手包辦從未假手於人。

Winnie 與好友 Kitterick 姚浩政及瑪雅娛樂行政經理 Grace 麥紫玲。

當日嘉賓仲有 Rosemary。

Winnie 笑說拍這照片時笑料百出，先知原來水禾田平日甚少自拍 (左起) Winnie 雷晴雯、水禾田、瑪雅娛樂行政經理 Grace 麥紫玲及 Kitterick 姚浩政。

Winnie做完第一次訪問先知原來身邊好多朋友都好鍾意水禾田，笑言大家看著 Video 及照片羨慕得牙癢癢。