裝修佬為你破解7大裝修缺陷 (巨龍)

隨著社會嘅發達，我地對裝修越來越有要求，舊時代嘅裝修設計已經遠遠跟唔上現時嘅發展需求。

通常裝修完入住後我地先會知道早知就唔咁設計啦，有早知就無乞衣啦！

唔使怕，裝修佬為你搜羅咗7大裝修缺陷，以下為你逐一破解。

廚房收納空間唔夠 

廚房細就好難安排足夠嘅收納空間，但係廚房用品係最多嘅，都無處藏身點算好?將佢地攤曬出來，既唔美觀清洗起身仲會非常麻煩。 

裝修佬提示

廚房一定要以方便實用為主，廚房細更要安排好空間。如果地櫃同吊櫃都不夠用，可以買啲合適金屬廚具置物架或支架安裝係牆上，將微波爐、電飯煲等大件電器物品收納係牆上，帶掛鉤嘅置物架可以掛上各種平底鍋、砧板、刀具等雜物。 

預留插座唔夠 

現時家用電器種類越來越多，當初裝修時根據需要嘅插座，亦已經唔夠用，但裝修時走暗線無法改動，只能夠用明線，唔單止影響美觀，清潔仲非常唔方便。 

裝修佬提示 

裝修時，應儘量多安裝插座，如果掛牆電視，最好留出電源插座位置;如果無裝，可以係明線上纏啲假花，可以起到裝飾效果。 　　 

睡房頂燈無設計雙控 

睡房頂燈開關只係設置門口位，而無係床頭再設置多個雙控開關，會為日後帶來諸多不便，特別係冬天時候臨瞓前仲要起身熄燈。 

裝修佬提示

係裝修電路階段同師傅溝通，安裝雙控電路，或者購買可遙控燈具亦可達到效果，再或係床頭放盞細枱燈。 

吊頂承載唔起吊燈 

施工階段，如果無考慮之後安裝水晶燈等較重燈飾，會發現最後裝燈時候吊頂承載唔到燈嘅重量。 

裝修佬提示 

換個吊頂可以承受到嘅燈飾，再或者安裝個同水晶燈相似嘅樹脂燈。如果一定要裝水晶燈，可以將吊頂挖開小小，係頂上打膨脹螺栓，再打吊鉤便可。 

廁所排水口唔夠 

廁所排水口唔夠會為日後帶來極大嘅唔方便，唔單止沖涼時會水漫金山，做家務衛生嘅時候污水無法排走，嚴重會造成漏水，殃及樓下。 

裝修佬提示 

如果正常位置有排水口而唔可以順利排水，通常係排水口唔係最低點。裝修時應多預留排水口，驗收時一定要對排水口做檢測，如果已成定局應勤力對排水口進行通渠，避免淤塞造成排水唔順暢。 

無預留足夠位置放雪櫃 

裝修廚房時，無考慮將來購買雪櫃嘅大細就草率了事，影響美觀。 

裝修佬提示 

裝修前，按照自己所需決定雪櫃大細，再係師傅上門度尺時就要提供確切尺寸，根據自己嘅生活習慣，固定好擺放位置。記得要預留空間俾雪櫃散熱，避免過於擠逼。 　　 

衣櫃空間儲物空間不足 

一般人屋企都係一個衣櫃作為屋企儲物空間，但日後，隨著衣物增多，位置係絕對唔足夠。 

裝修佬提示 

細單位係設計階段就要充分考慮以後嘅需要去定奪儲藏收納空間，現時流行係在有限空間設計整體衣帽間或儲物室，滿足日後所需，或者可以考慮地台，增加儲物空間，解決收納問題。

(以上圖片均來自網路，如有任何版權問題，請與本站聯絡)